ຄະນະໂຄສະນາອົບຮົມ ແຂວງໄຊສົມບູນ ເຂົ້າອອຍພອນ ບໍລິສັດ ໂກເອກໂກ ເນື່ອງໃນວັນຊາດຫວຽດນາມ ຄົບຮອບ 78 ປີ

ລາຍລະອຽດ

ສ້າງຂື້ນເມື່ອ ວັນອັງຄານ, 05 ກັນຍາ 2023 08:34

ຂຽນໂດຍ ສິດນ້ອຍ ນາມມີໄຊ

• ຄະນະໂຄສະນາອົບຮົມ ແຂວງໄຊສົມບູນ ເຂົ້າອອນພອນ ບໍລິສັດ ໂກເອກໂກ ເນື່ອງໃນວັນຊາດຫວຽດນາມ ຄົບຮອບ 78 ປີ
• ທ່ານ ຄົວຈັ້ງ ດຣາເຊັ້ງ ຫົວໜ້າໂຄສະນາອົບຮົມ ແຂວງໄຊສົມບູນ ພ້ອມດ້ວຍຄະນະ ໄດ້ນຳເອົາກະຕ່າຂອງຂວັນ ເຂົ້າອວຍພອນຄະນະນໍາບໍລິສັດໂກເອກໂກ ປະຈຳແຂວງໄຊສົມບູນ ໃນຕອນບ່າຍຂອງວັນທີ 1 ກັນຍາ ນີ້ ເນື່ອງໃນໂອກາດ ວັນຊາດຂອງສາທາ ລະນະລັດ ສັງຄົມນິຍົມ ຫວຽດນາມ ຄົບຮອບ 78 ປີ ( ວັນທີ 2 ກັນຍາ 1945-2 ກັນຍາ 2023 ) ທີ່ຈະມາເຖິງນີ້ ໂດຍການຕ້ອນຮັບຂອງທ່ານ ໂຮ່ ສີ ແມັງ ຜູ້ອຳນວຍການບໍລິສັດ ແຮ່ທາດ ແລະ ຫລອມໂລຫະວຽງຈັນ ພ້ອມດ້ວຍຄະນະໃຫ້ການຕ້ອນຮັບຢ່າງອົບອຸ່ນ.
• ໃນໂອກາດນີ້ ທ່ານ ຄົວຈັ້ງ ດຣາເຊັ້ງ ໄດ້ກ່າວສະແດງຄວາມປິຕິຊົມຊື່ນ ແລະ ຟາກຄວາມຢ້ຽມຢາມຖາມຂ່າວອັນອົບອຸ່ນ ແລະ ຄຳອວຍພອນໄຊອັນປະເສີດ ຄວາມສາມັກຄີມິດຕະພາບອັນດູດດືມ ມາຍັງທ່ານ ໂຮ່ ສີ ແມັງ ພ້ອມດ້ວຍຄະນະບໍລິສັດ ໂກເອກໂກ ຕະຫຼອດຮອດປະຊາຊົນຊາວຫວຽດນາມທຸກທົ່ວໜ້າ ຈົ່ງມີສຸຂະພາບເຂັ້ມແຂງ, ມີພາລະນາໄມທີ່ສົມບູນ ປະສົບຜົນສຳເລັດໃນໜ້າທີ່ວຽກງານທຸກປະການ ແລະ ໃຫ້ພ້ອມກັນສືບຕໍ່ ເສີມຂະຫຍາຍສາຍພົວພັນມິດຕະພາບອັນເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງສອງຊາດລາວ-ຫວຽດນາມ ໃຫ້ນັບມື້ແໜ້ນແຟ້ນ ຈະເລີນງອກງາມ ທີ່ມີມາແຕ່ດົນນານນັບມື້ນັບງົດງາມ ໃຫ້ໝັ້ນຄົງທະນົງແກ່ນຊົ່ວກາລະນານ ແລະ ເກີດດອກອອກຜົນຢ່າງບໍ່ຢຸດຢັ້ງ ຕະຫຼອດໄລຍະ 78 ປີ ຜ່ານມາ ພາຍໃຕ້ການນຳພາອັນຖືກຕ້ອງ ແລະ ສະຫລາດສ່ອງໃສຂອງພັກຄອມມູນິດຫວຽດນາມ ທີ່ສາມາດຍາດໄດ້ຜົນສຳເລັດຫຼາຍດ້ານ ເຮັດໃຫ້ຊີວິດການເປັນຢູ່ຂອງປະຊາຊົນໄດ້ຮັບການພັດທະນາດີຂຶ້ນ ຍ້ອນການນໍາພາອັນປີຊາສາມາດ ແລະ ສະຫຼາດສ່ອງໃສຂອງພັກຄອມມູນິດຫວຽດນາມ ກໍຄືລັດຖະບານ ແລະ ປະຊາຊົນຫວຽດນາມອ້າຍນ້ອງ ທີ່ໄດ້ຮ່ວມແຮງຮ່ວມໃຈສ້າງສາພັດທະນາປະເທດຊາດ ໃຫ້ຈະເລີນກ້າວໜ້າ ແລະ ຮຸ່ງເຮືອງສີວິໄລ ສອງຊາດລາວຫວຽດນາມໄດ້ຮ່ວມກັນສູ້ຮົບ ແລະ ຜ່ານຜ່າຄວາມຫຍຸ້ງຍາກນາໆປະການ ເພື່ອຍາດເອົາຄວາມເປັນເອກະລາດຂອງແຕ່ລະຊາດ ຊຶ່ງມັນໄດ້ສະແດງໃຫ້ເຫັນເຖິງສາຍພົວພັນທີ່ບໍລິສຸດຜຸດຜ່ອງ ຄຽງບ່າຄຽງໄລ່ ຊ່ວຍເຫລືອເຊິ່ງກັນ ແລະ ກັນ ໃນພາລະກິດສ້າງສາພັດທະນາປະເທດຊາດ ເພີ່ມພູນຄູນສ້າງສາຍພົວພັນແບບພິເສດຫວຽດນາມ ຂໍສະແດງຄວາມຂອບໃຈ ແລະ ຮູ້ບຸນຄຸນຢ່າງເລິກເຊິ່ງຕໍ່ພັກລັດ ແລະ ປະຊາຊົນຫວຽດນາມອ້າຍນ້ອງ ກໍຄືບໍລິສັດໂກເອໂກ ທີ່ໄດ້ປະກອບສ່ວນໃນການສ້າງສາ ແລະ ພັດທະນາ ແຂວງໄຊສົມບູນ ມາໂດຍຕະຫຼອດ ພວກຂ້າພະເຈົ້າຂໍຢືນຢັນຈະສືບຕໍ່ຮັດແໜ້ນສາຍພົວພັນມິດຕະພາບອັນຍິ່ງໃຫຍ່ ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວາງສອງປະເທດລາວ-ຫວຽດ ນາມ ໂດຍສະເພາະກໍຄືບໍລິສັດໂກເອກໂກ ປະຈຳແຂວງໄຊສົມບູນ ໃຫ້ຈະເລີນງອກງາມ ແລະ ໝັ້ນຄົງທະນົງແກ່ນຕະຫລອດໄປ.

• < ຕໍ່ໄປ
• ຕໍ່ໄປ >