ກອງເລຂາ ຄະນະຮັບຜິດຊອບກະກຽມສະເຫຼີມສະຫຼອງ ວັນເກີດ ປະທານ ຕໍາໄຕ ສີພັນດອນ ຄົບຮອບ 100 ປີ ລົງເຄື່ອນໄຫວເຮັດວຽກຢູ່ແຂວງໄຊສົມບູນ

ລາຍລະອຽດ

ສ້າງຂື້ນເມື່ອ ວັນອັງຄານ, 05 ກັນຍາ 2023 09:00

ຂຽນໂດຍ ສິດນ້ອຍ ນາມມີໄຊ

• ເພື່ອຮັບປະກັນໃຫ້ການສະເຫຼີມສະຫຼອງວັນເກີດ ປະທານ ຄໍາໄຕ ສີພັນດອນ ຄົບຮອບ 100 ປີ ສໍາເລັດໄປຕາມຈຸດປະສົງ ແລະ ແຜນການທີ່ໄດ້ກຳນົດໄວ້ ສະຫາຍ ລາວປາວຊົ່ງ ນະວົງໄຊ ກຳມະການສູນກາງພັກ, ຮອງເລຂາຄະນະພັກ, ຮອງຫົວໜ້າຄະນະໂຄສະນະອົບຮົມສູນກາງພັກ ທັງເປັນກອງເລຂາກະກຽມສະເຫຼີມສະຫຼອງວັນເກີດ ປະທານ ຄໍາໄຕ ສີພັນດອນ ຄົບຮອບ 100 ປີ ພ້ອມດ້ວຍຄະນະ ໄດ້ລົງເຄື່ອນໄຫວເຮັດວຽກ ຢູ່ແຂວງໄຊສົມບູນ ໃນຕອນເຊົ້າຂອງວັນທີ 28 ສິງຫາ 2023 ນີ້ ໂດຍມີສະຫາຍ ພອຍຄໍາ ຮຸ່ງບຸນຍວງ ເລຂາພັກແຂວງ, ເຈົ້າແຂວງໄຊສົມບູນ ພ້ອມດ້ວຍຄະນະນໍາຂອງແຂວງ ເຂົ້າຮ່ວມ.
• ກອງປະຊຸມ ຜູ້ເຂົ້າຮ່ວມໄດ້ຮັບຟັງການເຜີຍແຜ່ບັນດາເອກະສານທີ່ສໍາຄັນ ເປັນຕົ້ນແມ່ນຄໍາສັ່ງຂອງຄະນະເລຂາທິການສູນກາງພັກ ວ່າດ້ວຍການກະກຽມ ແລະ ສະເຫຼີມສະຫຼອງວັນເກີດ ປະທານ ຄໍາໄຕ ສີພັນດອນ ຄົບຮອບ 100 ປີ ແລະ ແຜນດຳເນີນງານກະກຽມສະເຫຼີມສະຫຼອງ ຂອງສູນກາງ. ຈາກນັ້ນ ຜູ້ເຂົ້າຮ່ວມໄດ້ພ້ອມກັນປຶກສາຫາລື ກ່ຽວກັບການກຳນົດບັນດາກິດຈະກໍາ ໃຫ້ແທດເໝາະກັບສະພາບຂອງແຂວງ ເປັນຕົ້ນແມ່ນການຈັດຕັ້ງປາຖະກະຖາ, ກິດຈະກຳຖາມ-ຕອບຄວາມຮູ້ກ່ຽວກັບການເຄື່ອນໄຫວ ຂອງປະທານ ຄໍາໄຕ ສີພັນດອນ ແລະ ຮູບແບບການໂຄສະນາຜ່ານສື່ຕ່າງໆ ຢູ່ຂັ້ນທ້ອງຖິ່ນ ເພື່ອໃຫ້ມີເນື້ອໃນເລິກເຊິ່ງ, ເປັນຂະບວນການຟົດຟື້ນ, ຮັບປະກັນຄວາມສະຫງົບປອດໄພ ແລະ ເຕັມໄປດ້ວຍຄວາມໝາຍສໍາຄັນ. ເພື່ອເປັນການສັນລະເສີນຄຸນງາມຄວາມດີ, ຄວາມເສຍສະຫຼະອຸທິດຕົນ ແລະ ຜົນງານອັນໃຫຍ່ຫຼວງ ຂອງປະທານ ຄໍາໄຕ ສີພັນດອນ ຕໍ່ພາລະກິດປະຕິວັດຊາດ ປະຊາທິປະໄຕ ກໍຄືຕໍ່ພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ພ້ອມທັງສຶກສາອົບຮົມ ແລະ ປຸກລະດົມ ໃຫ້ສະມາຊິກພັກ, ພະນັກງານ, ກຳລັງປະກອບອາວຸດ, ມະຫາຊົນ ແລະ ຄົນຮຸ່ນຫຼັງ ໄດ້ນໍາເອົານໍ້າໃຈເສຍສະຫຼະ, ຄຸນສົມບັດສິນທໍາປະຕິວັດ, ແບບແຜນການນໍາພາ, ແບບແຜນວິທີການເຮັດວຽກ ແລະ ແບບແຜນດຳລົງຊີວິດ ຕະຫຼອດຮອດແນວຄິດຊີ້ນໍາຂອງເພິ່ນໄປຮໍ່າຮຽນ ແລະ ຜັນຂະຫຍາຍ ເຂົ້າໃນການປະຕິບັດໜ້າທີ່ຂອງຕົນ ຕໍ່ປະເທດຊາດ ແລະ ປະຊາຊົນ ໃຫ້ເກີດປະໂຫຍດສູງສຸດ.

• < ຕໍ່ໄປ
• ຕໍ່ໄປ >