• ໄຊສົມບູນ ຖືເອົາທ່າແຮງພະລັງງານ ແລະ ບ
  • ພິທີການຝຶກອົບຮົມວຽກງານການສ້າງເວບໄ
  • ເມືອງຮົ່ມ ແຂວງໄຊສົມບູນ ປ່ອຍລູກປາ 5000
  •  ກອງປະຊຸມ ແລກປ່ຽນ ລະຫວ່າງ ຊາວໜຸ່ມ ແ
ໄຊສົມບູນ ຖືເອົາທ່າແຮງພະລັງງານ ແລະ ບໍ່ແຮ່ ເພື່ອພັດທະນາເສດຖະກິດ-ສັງຄົມ

ໄຊສົມບູນ ຖືເອົາທ່າແຮງພະລັງງານ ແລະ ບໍ່ແຮ່ ເພື່ອພັດທະນາເສດຖະກິດ-ສັງຄົມ

 ຂປລ​. ທ່ານ ຈັນ​ຖະໜອມ ວົງ​ສົມ​ຈິດ, ຫົວໜ້າພະ​ແນ​ກ​ແຜນການ ​ແລະ ການ​ລົງທຶ...
ພິທີການຝຶກອົບຮົມວຽກງານການສ້າງເວບໄຊ ແລະ ໄອທີ

ພິທີການຝຶກອົບຮົມວຽກງານການສ້າງເວບໄຊ ແລະ ໄອທີ

ໃນຕອນເຊົ້າເວລາ 8 ໂມງ 30 ນາທີ ຢູ່່ທີຫ້ອງປະຊຸມສານແຂວງໄຊສົມບູນ......
ເມືອງຮົ່ມ ແຂວງໄຊສົມບູນ ປ່ອຍລູກປາ 5000 ໂຕ ລົງສູ່ທໍາມະຊາດ

ເມືອງຮົ່ມ ແຂວງໄຊສົມບູນ ປ່ອຍລູກປາ 5000 ໂຕ ລົງສູ່ທໍາມະຊາດ

 ເມືອງ​ຮົ່ມ ​ແຂວງ​ໄຊ​ສົມບູນ ໄດ້​ຈັດພິທີ​ປ່ອຍ​ປາ​ລົງ​ສູ່ທຳ​ມະ​ຊາດ ຢູ່ ຫ້ວຍ​ນໍ້າ​ປັງ ໃນ...
 ກອງປະຊຸມ ແລກປ່ຽນ ລະຫວ່າງ ຊາວໜຸ່ມ ແຂວງ ໄຊສົມບູນ ແລະ ຊາວໜຸ່ມ ມະຫາວິທະຍາໄລແຫ່ງຊາດ

 ກອງປະຊຸມ ແລກປ່ຽນ ລະຫວ່າງ ຊາວໜຸ່ມ ແຂວງ ໄຊສົມບູນ ແລະ ຊາວໜຸ່ມ ມະຫາວິທະຍາໄລແຫ່ງຊາດ

   ໃນຕອນເຊົ້າ ວັນທີ 11 ກໍລະກົດ 2017ນີ້, ຄະນະບໍລິຫານງານຊາວໜຸ່ມປະຊາຊົນປະຕິວັດລາວ (ຄ...
Previous
Next

ພາລະບົດ

 

ສາທາລະນະລັດ ປະຊາທິປະໄຕ ປະຊາຊົນລາວ

ສັນຕິພາບ ເອກະລາດ ປະຊາທິປະໄຕ ເອກະພາບ ວັດທະນະຖາວອນ

ພັກປະຊາຊົນປະຕິວັດລາວ

ຄະນະປະຈໍາພັກແຂວງໄຊສົມບູໄຊສົມບູນ                                                                                 ເລກທີ 50 / ຄພຊບ

                                                                                                                             ໄຊສົມ,ບູນວັນທີ 11 / 6 / 2014

 

ມະຕິຕົກລົງ

ຂອງຄະນະປະຈໍາພັກແຂວງໄຊສົມບູນ

ວ່າດ້ວຍທີ່ຕັ້ງ, ພາລະບົດບາດ, ສິດ ແລະ ຫນ້າທີ່ ຂອງຄະນະໂຄສະນາອົບຮົມແຂວງໄຊສົມບູນ

-ອີງຕາມມະຕິຕົກລົງ ຂອງກົມການເມືອງສູນກາງພັກ ສະບັບເລກທີ 04/ກມສພ, ລົງວັນທີ 21/03/2013 ວ່າດ້ວຍການຈັດຕັ້ງ ແລະ ການເຄື່ອນໄຫວ ຂອງຄະນະໂຄສະນາອົບຮົມສູນກາງພັກ.

-ອີງຕາມ ຄວາມຮຽກຮ້ອງຕ້ອງການຫນ້າທີ່ການເມືອງໃນສະເພາະຫນ້າ ແລະ ຍາວນານ ຂອງຄະນະໂຄສະນາອົບຮົມແຂວງໄຊສົມບູນ.

-ອີງຕາມ ການຄົ້ນຄ້ວາ ແລະ ນໍາສະເໜີຂອງຄະນະຈັດຕັ້ງແຂວງໄຊສົມບູນ ສະບັບເລກທີ 49/ຈຕ.ຊບ, ລົງວັນທີ 28 /4 / 2014.

ຄະນະປະຈໍາພັກແຂວງໄຊສົມບູນ ຕົກລົງ:

ຫມວດທີ I

ວ່າດ້ວຍທີ່ຕັ້ງ ແລະ ພາລະບົດບາດ

ມາດຕາ 1:ທີ່ຕັ້ງ.

ຄະນະໂຄສະນາອົບຮົມແຂວງໄຊສົມບູນ, ຂຽນຊື່ຫຍໍ້ດ້ວຍຕົວອັກສອນຄອຂຊບ ແມ່ນອົງການຈັດຕັ້ງຫນຶ່ງ ຂອງພັກ, ມີຖານະທຽບເທົ່າກັບບັນດາພະແນກການ ແລະ ອົງການຕ່າງໆ ຂອງແຂວງໄຊສົມບູນ.

ມາດຕາ 2: ພາລະບົດບາດຄະນະໂຄສະນາອົບຮົມແຂວງໄຊສົມບູນ ມີພາລະບົດບາດເປັນເສນາທິການ ແລະ ເປັນອົງການວິຊາສະເພາະ ໃຫ້ແກ່ຄະນະປະຈໍາພັກແຂວງ, ຄະນະບໍລິຫານງານພັກແຂວງ ໃນການດໍາເນີນວຽກງານໂຄສະນາອົບຮົມ ກໍຄື ວຽກງານການເມືອງ-ແນວຄິດ ຊ່ວຍຄະນະປະຈໍາພັກແຂວງໃນການສ້າງແຜນການ- ໂຄງການວຽກງານການເມືອງ-ແນວ ຄິດ ທັງເປັນຜູ້ດໍາເນີນການເຮັດຕົວຈິງ ແລະ ທັງຕິດຕາມ, ຊຸກຍູ້, ກວດກາ, ຕີລາຄາ ແລະ ສະຫຼຸບລາຍງານສະພາບ, ຮັບປະກັນໃຫ້ວຽກງານໂຄສະນາອົບຮົມ ກໍຄືວຽກງານການເມືອງ-ແນວຄິດ ຂອງຄະນະພັກເປັນໄປຕາມຫຼັກການ ລວມສູນເປັນເອກະພາບ.

ຫມວດທີ II

ວ່າດ້ວຍຫນ້າທີ່ ແລະ ຂອບເຂດສິດ.

ມາດຕາ 3:ຫນ້າທີ່.

3. 1. ປະຕິບັດແນວທາງ ແລະ ມະຕິຂອງພັກ ກ່ຽວກັບວຽກງານການເມືອງ-ແນວຄິດ ກໍ່ຄືການຊີ້ນໍາ ຂອງ ຄະນະໂຄສະນາອົບຮົມສູນກາງພັກ ແລະ ຄະນະປະຈໍາພັກແຂວງໄຊສົມບູນ ດ້ວຍຄວາມເປັນເຈົ້າການຢ່າງເຂັ້ມງວດ ແລະ ມີປະສິດທິຜົນ.

3.2. ຫັນເອົາມະຕິກອງປະຊຸມໃຫ່ຍ, ບັນດາມະຕິກອງປະຊຸມສະໄໝສາມັນ ຂອງອົງຄະນະພັກແຂວງໃຫ້ເປັນແຜນການ,

ໂຄງການ, ແຜນງານ ອັນລະອຽດ ເພື່ອເປັນເອກະສານເຜີຍແຜ່ ໃຫ້ເປົ້າຫມາຍຕ່າງໆໃນຄວາມຮັບຜິດຊອບຂອງຕົນ.

3.3. ຂຶ້ນແຜນການ, ໂຄງການໃຫ້ລະອຽດ, ໃນການບໍາລຸງສ້າງຖັນແຖວພະນັກງານຜູ້ທີ່ເຮັດວຽກການເມືອງແນວຄິດ, ນັກໂຄສະນາປາຖະກະຖາ ໃຫ້ພຽງພໍຕາມຄວາມຮຽກຮ້ອງຕ້ອງການຂອງໜ້າທີ່ວຽກງານ ແລະ ຮັບປະກັນທາງດ້ານຄຸນນະພາບ ເພື່ອໃຫ້ຕອບສະຫນອງຄວາມຕ້ອງການ ຂອງວຽກງານໃນໄລຍະໃຫມ່.

3.4.ນໍາເອົາແນວທາງແຜນນນະໂຍບາຍ, ນະໂຍບາຍຂອງພັກ, ກົດຫມາຍຂອງລັດ, ແຜນພັດທະນາເສດຖະ ກິດ-ສັງຄົມ ຂອງແຂວງໄຊສົມບູນ, ຂໍ້ກໍານົດ, ລະບຽບກົດຫມາຍຂອງລັດ, ເອກະສານໂຄສະນາປາຖະກະຖາວັນສໍາ ຄັນຕ່າງໆ ຂອງຊາດ, ຂອງພັກ, ຂອງການນໍາຂັ້ນສູງ, ສະພາບທີ່ພົ້ນເດັ່ນຢູ່ພາຍໃນ ແລະ ຕ່າງປະເທດ ເພື່ອໂຄສະນາ ປາຖະກະຖາ ໃຫ້ພະນັກງານ, ສະມາຊິກພັກ, ທະຫານ, ຕໍາຫຼວດ ແລະ ພໍ່ຄ້າຊາວຂາຍ ຕະຫຼອດຮອດພໍ່ແມ່ປະຊາຊົນ ບັນດາເຜົ່າ ໃນທົ່ວແຂວງໄຊສົມບູນ.

3.5. ຈັດຝຶກອົບຮົມໃຫ້ພະນັກງານ, ສະມາຊິກພັກ, ຄະນະພັກຮາກຖານ ແລະ ພະນັກງານຂັ້ນຮາກຖານ ຕາມເນື້ອໃນເອກະສານອົບຮົມສະມາຊິກພັກ, ເປົ້າຫມາຍຂະຫຍາຍເຂົ້າພັກ, ເອກະສານອົບຮົມພະນັກງານຂັ້ນຮາກ ຖານ ແລະ ເອກະສານອື່ນໆ ໃຫ້ແຕ່ລະເປົ້າຫມາຍຢ່າງທົ່ວເຖິງ.

3.6. ກໍາແຫນ້ນສະພາບແນວຄິດ, ຫາງສຽງສັງຄົມ, ຖ້ອຍທໍານອງຂອງສັດຕູ ແລະ ກຸ່ມຄົນບໍ່ຫັວງດີ ເພື່ອສ່ອງແສງ ລາຍງານໃຫ້ຂັ້ນເທິງເປັນປົກກະຕິ ແລະ ສະເຫນີມີວິທີການ, ມາດຕະການແກ້ໄຂຢ່າງທັນການ.

3.7. ປະສານສົມທົບກັບຄະນະພັກເມືອງ, ຄະນະໂຄສະນາອົບຮົມເມືອງ ເພື່ອສຶກສາອົບຮົມການເມືອງແນວຄິດ ໃຫ້ແກ່ສະມາຊິກພັກ,ພະນັກງານລັດຖະກອນ, ທະຫານຕໍາຫຼວດແລະ ປະຊາຊົນບັນດາເຜົ່າ ຢູ່ພາຍໃນແຂວງ,ເມືອງ,ຮາກຖານບ້ານຢ່າງທົ່ວເຖິງ.

3.8.ສະຫຼຸບສັງລວມວຽກງານການເມືອງ-ແນວຄິດ, ຈັດຕັ້ງບໍາລຸງແນະນໍາດ້ານວິຊາການ, ສະໜອງເອກະສານ ທີ່ຈໍາເປັນ ໃຫ້ຄະນະໂຄສະນາອົບຮົມເມືອງ ແລະ ຂະແຫນງການຕ່າງໆອ້ອມຂ້າງແຂວງໄຊສົມບູນ.

ມາດຕາ 4:ຂອບເຂດສິດ.

4.1. ພົວພັນປະສານສົມທົບ, ຕິດຕາມ, ກວດກາ, ຊຸກຍູ້ ແລະ ປະກອບຄວາມເຫັນກ່ຽວກັບແຜນການ-ໂຄງການ ແລະ ການປັບປຸງສັບຊ້ອນບຸກຄະລາກອນ ຂອງຄະນະໂຄສະນາອົບຮົມແຂວງ, ເມືອງໃນຄວາມຮັບຜິດຊອບຂອງຕົນ.

4.2. ເຂົ້າຮ່ວມກອງປະຊຸມຕ່າງໆ ແລະ ປະກອບຄໍາຄິດ-ຄໍາເຫັນທີ່ພົວພັນເຖິງວຽກງານການເມືອງ-ແນວຄິດທີ່ຂັ້ນເທິງ, ຂະແຫນງການ, ອົງການ, ທ້ອງຖິ່ນຈັດຂຶ້ນ.

4.3. ອອກຄໍາແນະນໍາ ແລະ ແຈ້ງການຕ່າງໆເຖິງຄະນະພັກຂະແຫນງການ, ອົງການ, ເມືອງຕ່າງໆ ພາຍໃນ ແຂວງໄຊສົມບູນ ກ່ຽວກັບວຽກງານໂຄສະນາອົບຮົມ.

4.4ຮຽກໂຮມປະຊຸມພະນັກງານໂຄສະນາອົບຮົມ ຫຼື ຜູ້ຮັບຜິດຊອບວຽກງານການເມືອງ-ແນວຄິດຈາກທ້ອງຖິ່ນ ແລະ ຂະແຫນງການ, ອົງການອ້ອມຂ້າງແຂວງໄຊສົມບູນ ເພື່ອປຶກສາຫາລື, ຄົ້ນຄ້ວາ ຫຼື ເຜີຍແຜ່ແນະນໍາກ່ຽວກັບ ທິດທາງ, ວິທີການ ແລະ ມາດຕະການດໍາເນີນວຽກໂຄສະນາອົບຮົມ.

4.5. ຕົກລົງບັນຫາພາຍໃນຄະນະໂຄສະນາອົບຮົມແຂວງໄຊສົມບູນ ເປັນຕົ້ນແມ່ນວຽກງານໂຄສະນາອົບຮົມ, ວຽກງານການປັບປຸງກົງຈັກການຈັດຕັ້ງ, ການປະຕິບັດນະໂຍບາຍ, ການກໍ່ສ້າງ, ການບໍາລຸງຍົກລະດັບຄວາມຮູ້, ຄວາມສາມາດດ້ານຕ່າງໆ ຂອງພະນັກງານ-ລັດຖະກອນໃນຄວາມຮັບຜິດຊອບຂອງຕົນ.

4.6.ຈັດຕັ້ງປະຕິບັດງົບປະມານຂະແຫນງການຕົນ ໃຫ້ຖືກຕ້ອງຕາມຫຼັກການ ແລະ ລະບຽບກົດໝາຍ. ຕິດພັນກັບການ

ການນໍາໃຊ້ພາຫະນະ, ວັດຖຸອຸປະກອນຕ່າງໆ ທີ່ພັກ-ລັດມອບຫມາຍໃຫ້ມີຄວາມຮັບຜິດຊອບສູງ ແລະ ມີປະສິດທິຜົນເປັນຢ່າງດີ.

ຫມວດທີ III

ວ່າດ້ວຍກົງຈັກການຈັດຕັ້ງ ແລະ ບຸກຄະລາກອນ.

ມາດຕາ 5:ໂຄງປະກອບກົງຈັກການຈັດຕັ້ງຂອງຄະນະໂຄສະນາອົບຮົມແຂວງໄຊສົມບູນ ປະກອບມີ 1 ຫ້ອງການບໍລິຫານ ແລະ 3 ຂະແຫນງການຄື:

5.1. ຫ້ອງການບໍລິຫານ.

5.2. ຂະແຫນງໂຄສະນາ ( ປາຖະກະຖາ, ຜ່ານສີ່, ເຄື່ອນທີ່).

5.3. ຂະແຫນງອົບຮົມຂອງພັກ, ການສ້າງເອກະສານອົບຮົມ, ດຳເນີນຊີວິດການເມືອງ,ອົບຮົມເປົ້າໝາຍເຂົ້າພັກ.

5.4. ຂະແຫນງຄົ້ນຄ້ວາ-ສັງລວມ, ຫາງສຽງສັງຄົມ, ຕາໜ່າງເພື່ອນຮ່ວມງານ.

ມາດຕາ 6:ໂຄງປະກອບບຸກຄະລາກອນ.

6.1. ຄະນະໂຄສະນາອົບຮົມແຂວງໄຊສົມບູນ ປະກອບດ້ວຍ ຫົວຫນ້າຄະນະ1 ທ່ານ, ຮອງຫົວຫນ້າຄະນະຈໍານວນ 2 ທ່ານ ຊຶ່ງໄດ້ຮັບການແຕ່ງຕັ້ງ ຫຼື ປົດຕໍາແຫນ່ງຈາກຄະນະປະຈໍາພັກແຂວງ ຕາມການສະເຫນີ ຂອງຄະນະຈັດຕັ້ງແຂວງ ໂດຍການເຫັນດີ ຂອງຄະນະໂຄສະນາອົບຮົມສູນກາງພັກ.

6.2. ຫົວຫນ້າຄະນະໂຄສະນາອົບຮົມແຂວງໄຊສົມບູນ ເປັນຜູ້ຮັບຜິດຊອບໂດຍກົງຕໍ່ຄະນະພັກຂັ້ນຕົ້ນ ແລະ ຕໍ່ຄະນະໂຄສະນາອົບຮົມສູນກາງພັກ ກ່ຽວກັບຜົນສໍາເລັດ ແລະ ຂໍ້ບົກຜ່ອງຕ່າງໆ ໃນການປະຕິບັດຫນ້າທີ່ການເມືອງຂອງຕົນ.

6.3. ຮອງຫົວຫນ້າຄະນະໂຄສະນາອົບຮົມແຂວງໄຊສົມບູນ ເປັນຜູ້ຊ່ວຍວຽກຫົວຫນ້າ ແລະ ຮັບຜິດຊອບວຽກງານໃດ ຫນຶ່ງຕາມການມອບຫມາຍຂອງຫົວຫນ້າແລະ ຫມູ່ຄະນະ.

6.4. ມີຫົວຫນ້າ-ຮອງຫົວຫນ້າຫ້ອງການບໍລິຫານ, ຫົວຫນ້າ-ຮອງຫົວຫນ້າຂະແຫນງ ທີ່ໄດ້ຮັບການແຕ່ງຕັ້ງ ຫຼື ປົດຕຳ ແໜ່ງຈາກຄະນະປະຈໍາພັກແຂວງ ໂດຍການເຫັນດີເປັນເອກະພາບ ແລະ ນໍາສະເຫນີ ຂອງຄະນະໂຄສະນາອົບຮົມແຂວງ ແລະ ມີພະນັກງານຊ່ວຍວຽກຈໍານວນຫນຶ່ງ ຕາມຄວາມຮຽກຮ້ອງຕ້ອງການ ຂອງຕໍາແຫນ່ງງານ.

ຫມວດທີ IV

ວ່າດ້ວຍຫນ້າທີ່ຂອງແຕ່ລະຂະແຫນງ.

ມາດຕາ 7:ຫນ້າທີ່ຂອງຫ້ອງການບໍລິຫານ.

7.1. ສ້າງເງື່ອນໄຂອໍານວຍຄວາມສະດວກໃຫ້ພະນັກງານ-ລັດຖະກອນເຊັ່ນ: ບ່ອນເຮັດວຽກ, ສະຫນອງວັດຖຸ ອຸປະກອນ, ເຄື່ອງຮັບໃຊ້ຫ້ອງການ, ຄຸ້ມຄອງພາຫະນະ, ເຄຫາສະຖານ ແລະ ປ້ອງກັນຄວາມສະຫງົບ, ຄວາມເປັນລະ ບຽບຮຽບຮ້ອຍພາຍໃນສໍານັກງານຂອງຕົນ.

7.2. ບໍລິຫານ-ບໍລິການຮັບໃຊ້ວຽກງານຕ່າງໆເຊັ່ນ: ຂາເຂົ້າ-ຂາອອກ, ສົ່ງເອກະສານ, ປົກປັກຮັກສາ ແລະ ເກັບມ້ຽນ ເອກະສານ, ການພິມ, ການອັດເອກະສານ ແລະ ອື່ນໆທີ່ກ່ຽວຂ້ອງ.

7.3. ຄຸ້ມຄອງພະນັກງານ, ການບໍາລຸງກໍ່ສ້າງພະນັກງານ, ສັບຊ້ອນພະນັກງານ ແລະ ການປະຕິບັດນະໂຍບາຍຕ່າງໆ ຕໍ່ພະນັກງານ-ລັດຖະກອນ ທີ່ຂຶ້ນກັບຄວາມຮັບຜິດຊອບຂອງຕົນ.

7.4. ຂຶ້ນແຜນງົບປະມານ ແລະ ຄຸ້ມຄອງນໍາໃຊ້ງົບປະມານເຂົ້າໃນວຽກງານຕ່າງໆ ຕາມການຕົກລົງ ຂອງຄະນະໂຄສະນາອົບຮົມແຂວງ, ຂຶ້ນແຜນຄິດໄລ່ເງິນເດືອນພະນັກງານ-ລັດຖະກອນ ໃຫ້ຖືກຕ້ອງຕາມລະບຽບຫຼັກການ,

7.5. ປະຕິບັດຫນ້າທີ່ອື່ນໆ ຕາມການມອບຫມາຍ ຂອງຄະນະໂຄສະນາອົບຮົມ ແຂວງໄຊສົມບູນ,

7.6. ຕິດຕາມ, ກວດກາເຕັກນິກການເຊື່ອມຕໍ່ລະບົບເຄື່ອຂ່າຍເອເລໂຕຼນິກ ລະຫວ່າງຄະນະໂຄສະນານາອົບຮົມສູນກາງພັກກັບຄະນະໂຄສະນາອົບຮົມແຂວງ ແລະ ເມືອງ ໃຫ້ມີຄວາມສະດວກໃນການພົວພັນວຽກງານ.

7.7. ຈັດຕັ້ງບໍາລຸງຍົກລະດັບວິຊາການໄອທີ ໃຫ້ພະນັກງານໂຄສະນາອົບຮົມ ພາຍໃນແຂວງ ຮູ້ນໍາໃຊ້ເຕັກນິກ, ເຕັກໂນໂລຊີ ທີ່ທັນສະໄຫມ.

ມາດຕາ 8:ຫນ້າທີ່ຂອງຂະແຫນງໂຄສະນາ.

8.1. ໂຄສະນາເຜີຍແຜ່ແນວທາງນະໂຍບາຍຂອງພັກ-ກົດຫມາຍຂອງລັດ, ມູນເຊື້ອ ຂອງພັກ, ຂອງຊາດ, ຂອງກໍາລັງປະກອບອາວຸດ, ວັນເກີດຂອງທ່ານຜູ້ນໍາ, ຜົນສໍາເລັດຂອງການຈັດຕັ້ງປະຕິບັດແນວທາງນະໂຍບາຍຂອງພັກ- ລັດ ແລະ ຂອງທ້ອງຖິ່ນຕົນ; ສະພາບການພົ້ນເດັ່ນທາງພາຍໃນ ແລະ ຕ່າງປະເທດເປັນແຕ່ລະໄລຍະຕາມຄວາມເຫມາະສົມ.

8.2. ເປັນເຈົ້າການປັບປຸງເນື້ອໃນເອກະສານໂຄສະນາປາຖະກະຖາ ທີ່ຄະນະໂຄສະນາອົບຮົມສູນກາງພັກ ສົ່ງໃຫ້ ເພື່ອໃຫ້ສອດຄ່ອງກັບສະພາບ, ຈຸດພິເສດ ແລະ ແທດເຫມາະກັບສະພາບຕົວຈິງ ຂອງທ້ອງຖິ່ນຕົນ.

8.3. ເປັນເຈົ້າການສ້າງແຜນການ-ໂຄງການ ແລະ ຂຶ້ນແຜນງົບປະມານ ເພື່ອດໍາເນີນວຽກງານໂຄສະນາສຶກສາອົບຮົມເປັນ ແຕ່ລະໄລຍະ, 3 ເດືອນ, 6 ເດືອນ ແລະ 1 ປີ.

8.4. ປະສານສົມທົບກັບຄະນະໂຄສະນາອົບຮົມສູນກາງພັກ ເພື່ອຈັດຕັ້ງ ແລະ ດໍາເນີນການຝຶກອົບຮົມຍົກ ລະດັບໃຫ້ພະນັກງານຜູ້ເຮັດວຽກງານໂຄສະນາ-ປາຖະກະຖາ, ໂຄສະນາເຄື່ອນທີ່ ແລະ ໂຄສະນາຜ່ານສື່ ໃຫ້ມີປະສິດຕິຜົນສູງ, ປະສານສົມທົບກອງໂຄສະນາເຄື່ອນທີ່ ໄຫວໂຄສະນາສາຍສາລະຄະດີຕ່າງໆ ແລະ ເກັບກໍາຂໍ້ມູນຄອບຄົວຕົວແບບທີ່ດີພາຍ ໃນທ້ອງຖິ່ນຕົນເປັນແຕ່ລະໄລຍະ ເພື່ອສ້າງເປັນສາລະຄະດີໂຄສະນາ.

8.5.ຈັດຕັ້ງດໍາເນີນວຽກງານໂຄສະນາເຄື່ອນທີ່ ໃຫ້ມີປະສິດຕິຜົນສູງ, ປະສານສົມທົບ ຄະນະໂຄສະນາອົບຮົມສູນກາງພັກ, ຄະນະປະຈຳພັກແຂວງ ເພື່ອເຄື່ອນໄຫວໂຄສະນາສາຍສາລະຄະດີໃນທ້ອງຖິ່ນຕົນເປັນແຕ່ລະໄລຍະ.

8.6. ຊຸກຍູ້, ຕິດຕາມການເຄື່ອນໄຫວວຽກງານໂຄສະນາ ເປັນປົກກະຕິ ແລະ ສະຫຼຸບລາຍງານໃຫ້ຄະນະປະຈໍາພັກແຂວງໄຊສົມບູນ, ຄະນະໂຄສະນາອົບຮົມສູນກາງພັກປົກກະຕິ,

ມາດຕາ 9:ຫນ້າທີ່ ຂອງຂະແຫນງອົບຮົມ.

9.1. ຄົ້ນຄ້ວາກໍາແຫນ້ນມະຕິກອງປະຊຸມໃຫ່ຍຂອງອົງຄະນະພັກແຂວງໄຊສົມບູນ ແຕ່ລະສະໄຫມ ເພື່ອສ້າງ ເປັນເອກະສານເຜີຍແຜ່ບັນດາເປົ້າຫມາຍຕ່າງໆ ຢູ່ພາຍໃນແຂວງ ແລະ ເມືອງໃຫ້ໄດຢ່າງທັນການ.

9.2.ຝຶກອົບຮົມບາລຸງຍົກລະດັບຄວາມຮູ້ທາງດ້ານທິດສະດີການເມືອງ-ການປົກຄອງ, ແນວທາງໃຫ້ແກ່ພະນັກງານລັດຖະກອນ ຢູ່ຂັ້ນແຂວງ ແລະ ເມືອງຕາມເອກະສານອົບຮົມເປົ້າຫມາຍຕ່າງໆ ຂອງກົມອົບຮົມ ຄະນະໂຄສະນາອົບຮົມສູນກາງພັກ ແຕ່ລະໄລຍະ.

9.3. ຈັດຕັ້ງຊຸດອົບຮົມຄວາມຮູ້ພື້ນຖານດ້ານການເມືອງ-ການປົກຄອງ ແລະ ການສ້າງບ້ານພັດທະນາໃຫ້ແກ່ເລຂາ, ຮອງເລຂາຫນ່ວຍພັກ, ນາຍບ້ານ, ຫົວຫນ້າຫນ່ວຍງານອົງການຈັດຕັ້ງຂອງບ້ານ,ເຖົ້າແກ່ແນວຮົມ ແລະ ບະຊາຊົນບັນດາເຜົ່າ ໃນທົ່ວແຂວງໄຊສົມບູນ.

9.4. ປະສານສົມທົບກັບບັນດາພະແນກການ, ກົມກອງ, ອົງການຂອງແຂວງ ເພື່ອຈັດຕັ້ງຝຶກອົບຮົມເອກະສານ ເປົ້າຫມາຍຂະຫຍາຍເຂົ້າພັກ ໃຫ້ແກ່ບັນດາເປົ້າຫມາຍ ຂອງແຕ່ລະພະແນກການ ພາຍໃນແຂວງໄຊສົມບູນ.

9.5. ຕິດຕາມ, ກວດກາ ແລະ ຊຸກຍູ້ການຮຽນການສອນວິຊາສຶກສາພົນລະເມືອງ, ວິຊາສັງຄົມ, ການເມືອງ ຢູບັນດາໂຮງຮຽນອະຊີວະສຶກສາ ແລະ ໂຮງຮຽນສາມັນ ຢູ່ແຂວງໄຊສົມບູນ.

9.6. ສ້າງແຜນການເຄື່ອນໄຫວວຽກງານຂອງຂະແຫນງການຕົນເອງ ໃນການຈັດຕັ້ງຝຶກອົບຮົມບັນດາເປົ້າ ຫມາຍຕ່າງໆ

ໃຫ້ທັນເວລາ, ພ້ອມທັງສະຫຼຸບຕີລາຄາ, ປະເມີນຜົນບັ້ນຝຶກອົບຮົມໃນແຕ່ລະຄັ້ງ ເພື່ອລາຍງານຄະນະປະ ຈໍາພັກແຂວງໄຊສົມບູນ ແລະ ຄະນະໂຄສະນາອົບຮົມສູນກາງພັກ

ມາດຕາ 10:ຫນ້າທີ່ ຂອງຂະແຫນງຄົ້ນຄ້ວາສັງລວມ.

10.1. ຄົ້ນຄ້ວາ ແລະ ສະຫຼຸບສັງລວມບັນຫາຕ່າງໆ ທີ່ບັນດາພະແນກການ-ກົມກອງ ຂອງແຂວງ, ບັນດາ ເມືອງ ທີ່ສ່ອງແສງການຈັດຕັ້ງປະຕິບັດວຽກງານການເມືອງ-ແນວຄິດ ແລະ ສ້າງແຜນການ, ເຮັດບົດສະຫຼຸບປະຈໍາ ເດືອນ, 3 ເດືອນ, 6 ເດືອນ ແລະ 1 ປີ ຂອງວຽກງານການເມືອງ-ແນວຄິດ ເພື່ອລາຍງານຄະນະໂຄສະນາອົບຮົມສູນກາງພັກ, ຄະນະປະຈໍາພັກແຂວງໄຊສົມບູນ.

10.2. ຕິດຕາມ, ເກັບກໍາສະພາບແນວຄິດ, ຫາງສຽງສັງຄົມຂອງພະນັກງານ, ສະມາຊິກພັກ ແລະ ປະຊາຊົນ ບັນດາເຜົ່າ ທີ່ພົ້ນເດັ່ນ, ຫຍໍ້ທໍ້ເກີດຂື້ນ ໃນແຕ່ລະໄລຍະ ລາຍງານໃຫ້ຄະນະປະຈໍາພັກແຂວງ ແລະ ຄະນະໂຄສະນາອົບຮົມສູນກາງພັກເປັນປົກກະຕິ.

10.3. ເຂົ້າຮ່ວມກອງປະຊຸມຄະນະໂຄສະນາອົບຮົມແຂວງ ແລະ ເຮັດຫນ້າທີ່ບັນທຶກກອງປະຊຸມ, ແຈ້ງການ, ຂໍ້ຕົກລົງ, ຄໍາແນະນ, ບົດປາໄສ, ບົດໂອ້ລົມຕ່າງໆ ຂອງຄະນະໂຄສະນາອົບຮົມ, ຄະນະປະຈໍາພັກແຂວງໄຊສົມບູນ.

ຫມວດທີ V

ວ່າດ້ວຍຫຼັກການ ແລະ ແບບແຜນວິທີເຮັດວຽກ

ມາດຕາ 11:ຫຼັກການ.

11.1ປະຕິບັດຕາມຫຼັກການລວມສູນປະຊາທິປະໄຕ ຕົກລົງເປັນຫມູ່ຄະນະ ກ່ຽວກັບແຜນການ, ການຈັດຕັ້ງພະນັກງານ ແລະ ການພົວພັນກັບຕ່າງປະເທດ, ປະຕິບັດລະບອບຫົວຫນ້າດຽວ ບົນພື້ນຖານການແບ່ງງານໃຫ້ບຸກຄົນຮັບຜິດຊອບຢ່າງຈະແຈ້ງ, ເສີມຂະຫຍາຍຫົວຄິດປະດິດສ້າງໃຫ້ພະນັກງານ, ລັດຖະກອນທຸກລະດັບ.

1.2. ການເຄື່ອນໄຫວຂອງຄະນະໂຄສະນາອົບຮົມແຂວງໄຊສົມບູນ, ພະນັກງານ-ລັດຖະກອນ ແມ່ນອີງໃສ່ ລະບຽບກົດຫມາຍ ແລະ ລະບຽບການລວມຂອງແຂວງ; ນໍາເອົາແນວທາງຂອງພັກ ແລະ ລັດຖະບານ, ແຜນການວຽກງານຈຸດສຸມ ຂອງຄະນະປະຈໍາພັກແຂວງໄຊສົມບູນ ມາຈັດຕັ້ງຜັນຂະຫຍາຍໃຫ້ໄດ້ຮັບຜົນດີ.

ມາດຕາ 12:ແບບແຜນວິທີເຮັດວຽກ.

12.1. ເຮັດວຽກຢ່າງມີແຜນການ, ມີໂຄງການ, ມີເປົ້າຫມາຍປະຕິບັດ ແລະ ແກ້ໄຂວຽກງານຢ່າງມີຈຸດສຸມ ມີການຕິດຕາມ, ກວດກາ ແລະ ສະຫຼຸບຖອດຖອນບົດຮຽນໃນແຕ່ລະວຽກງານ.

12.2. ປະຕິບັດລະບອບປະຊຸມປະຈໍາອາທິດ, ປະຈໍາເດືອນ, 3 ເດືອນ, 6 ເດືອນ ແລະ 1 ປີ ເພື່ອລາຍງານ ສະພາບການຈັດຕັ້ງປະຕິບັດວຽກງານເປັນແຕ່ລະໄລຍະ ໃຫ້ຂັ້ນເທິງເປັນປົກກະຕິ,

ຫມວດທີ VI

ວ່າດ້ວຍບົດບັນຍັດສຸດທ້າຍ.

ມາດຕາ 13:ກາປະທັບ ແລະ ງົບປະມານ.

13.1. ຄະນະໂຄສະນາອົບຮົມແຂວງໄຊສົມບູນ ມີກາປະທັບ 1 ຫນ່ວຍ ແລະ ຫ້ອງການບໍລິຫານ 1 ຫນ່ວຍ ເພື່ອໃຊ້ເຂົ້າໃນວຽກງານທາງລັດຖະການ.

1.3.2. ຄະນະ ໂຄສະນາອົບຮົມແຂວງໄຊສົມບູນ ເປັນຫົວຫນ່ວຍງົບປະມານຫນຶ່ງ ຊຶ່ງໄດ້ຮັບງົບປະມານ ຂອງລັດ ເພື່ອໃຊ້ຈ່າຍເຂົ້າໃນວຽກງານຂອງຕົນ ຄືກັນກັບບັນດາພະແນກການອື່ນໆຂອງແຂວງ.

ມາດຕາ 14: ການຈັດຕັ້ງປະຕິບັດ.

ຄະນະ ໂຄສະນາອົບຮົມແຂວງ, ຫ້ອງວ່າການແຂວງ, ບັນດາພະແນກການ, ອົງການຂອງແຂວງໄຊສົມບູນ, ເມືອງ ແລະ ພາກສ່ວນທີ່ກ່ຽວຂ້ອງ ຈົ່ງຮັບຮູ້ ແລະ ຈັດຕັ້ງປະຕິບັດມະຕິຕົກລົງສະບັບນີ້ຢ່າງເຂັ້ມງວດ.

ມະຕິຕົກລົງສະບັບນີ້ປ່ຽນແທນມະຕິຕົກລົງສະບັບເລກທີ 50/ຄພຊບ, ລົງວັນທີ 11 /6/2014

ມາດຕາ 15: ຜົນສັກສິດ. ມະຕິຕົກລົງສະບັບນີ້ ມີຜົນສັກສິດນັບແຕ່ວັນລົງລາຍເຊັນເປັນຕົ້ນໄປ.

 

                                                                                                                         ຄະນະປະຈໍາພັກແຂວງໄຊສົມບູນ

ເອກະສານສຳຄັນຕ່າງໆ

ວີດີໂອ....

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169
ໜ່ວຍກູ້ໄພ:    1623

ຈຳນວນຄົນອອນໄລ໌ທ

ມີ 4  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

80123
ມື້ນີ້ມື້ນີ້10
ມື້ວານນີ້ມື້ວານນີ້11
ອາທິດນີ້ອາທິດນີ້62
ເດືອນນີ້ເດືອນນີ້367