ພິທີເປິດຮຽນສະໜັບສະໜູນພັກ

ລາຍລະອຽດ

ສ້າງຂື້ນເມື່ອ ວັນສຸກ, 01 ເມສາ 2022 02:27

ຂຽນໂດຍ tou

ຄະນະໂຄສະນາອົບຮົມແຂວງ ໄຊສົມບູນ ພິທີເປິດຮຽນສະໜັບສະໜູນພັກ ໃຫ້ມະຫາຊົນກ້າວໜ້າບັນດາພະແນກການ, ອົງການ, ກົມກອງອ້ອມຂ້າງແຂວງໄຊສົມບູນ.

ໃນຄັ້ງວັນທີ  19/1/2022, 24/2/2022 ແລະ 30/3/2022 ນີ້ ຄະນະໂຄສະນາອົບຮົມແຂວງໄຊສົມບູນ ໄດ້ເປີດຮຽນສະໜັບສະໜູນຂອງພັກ ປະຊາຊົນປະຕິວັດລາວ ສະໄໝທີ XI ໃຫ້ມະຫາຊົນກ້າວໜ້າ ທັງພາຍໃນ ແລະ ບັນດາພະແນກການ, ອົງການ, ກົມກອງອ້ອມຂ້າງແຂວງໄຊສົມບູນ ເຂົ້າຮໍ່າຮຽນຢ່າງເປັນທາງການ. ພາຍໃຕ້ການເປັນກຽດຂຶ້ນບັນຍາຍເອກະສານສະໜັບສະໜູນຂອງ

ພັກ ປະຊາຊົນປະຕິວັດລາວ ໃຫ້ມະຫາຊົນຜູ້ກ້າວໜ້າມາຈາກບັນດາພະແນກການ, ອົງການ, ກົມກອງອ້ອມຂ້າງແຂວງໄຊສົມບູນ ໂດຍສະຫາຍ ຢ່າຊົ່ງວ່າ ຢົງມາ ຮອງເລຂາໜ່ວຍພັກ, ຮອງຫົວໜ້າຄະນະໂຄສະນາອົບຮົມແຂວງໄຊສົມບູນ. ມີມະຫາຊົນຜູ້ກ້າວໜ້າມາຈາກບັນດາພະແນກການ, ອົງການ, ກົມກອງອ້ອມຂ້າງແຂວງໄຊສົມບູນ ເຂົ້າຮ່ວມຮຽນທັງໝົດ 30 ສະຫາຍ, ຍິງ 07 ສະຫາຍ.

     ໃນພິທີ ສະຫາຍ ຢ່າຊົ່ງວ່າ ຢົງມາ ໄດ້ຍົກໃຫ້ບັນດາມະຫາຊົນກ້າວໜ້າມາຈາກບັນພະແນກການ, ອົງການ, ກົມກອງອ້ອມຂ້າງແຂວງ ໄດ້ຮຽນຮູ້ເຂົ້າໃຈເບຶ້ອງຕົ້ນກ່ຽວກັບພັກປະຊາຊົນປະຕິວັດລາວ ແມ່ນກອງນໍາໜ້າທີ່ມີການຈັດຕັ້ງສູງສຸດ ຂອງຊົນຊັ້ນກໍາມະກອນ ລະບອບປະຊາທິປະໄຕ ປະຊາຊົນລາວ ເຊິ່ງພັກປະຊາຊົນປະຕິວັດລາວ ໄດ້ສຶບທອດພັກກອມມູນນິດອິນດູຈິນ ໂດຍປະທານໄກສອນ ພົມວິຫານ ເປັນຫຼັກແຫຼ່ງໃນການນໍາພາກໍ່ຕັ້ງທະນູບໍາລຸງຝືກຝົນຫຼໍ່ຫຼອມ ແລະ ກໍ່ສ້າງ.

      ທັງນີ້ກໍ່ເພື່ອແນໃສ່ເຮັດໃຫ້ມະຫາຊົນຜູ້ກ້າວໜ້າຕັ້ງໜ້າຝຶກຝົນຫຼໍ່ຫຼອມຕົນເອງໃຫ້ກາຍເປັນສະມາຊີກພັກທີ່ດີຂອງພັກ-ລັດ ແລະ ການກໍ່ສ້າງພັກ, ຂະຫຍາຍພັກໄດ້ຮັບຄຸນນະພາບ, ຖືກຕ້ອງສອດຄ່ອງຕາມກົດລະບຽບຂອງພັກປະຊາຊົນປະຕິວັດລາວທີ່ກໍານົດໄວ້.

• < ຕໍ່ໄປ