ກອງປະຊຸມດັ່ງກ່າວໄດ້ຈັດຂື້ນຕອນເຊົ້າຂອງວັນທີ 6 ສິງຫາ 2025 ຜ່ານມານີ້ ຢູ່ທີ່ສະໂມສອນເມືອງລ້ອງຊານ ແຂວງໄຊສົມບູນ. ພາຍໃຕ້ການເປັນປະທານຂອງ ທ່ານ ພັອ ວິໄຊທໍ່ ເພຍຫຼວງຈົ່ງເສີ ຮອງປະທານ ສະພາປະຊາຊົນແຂວງໄຊສົມບູນ ພ້ອມດ້ວຍທີມງານ, ມີບັນດາ ທ່ານ ຫົວໜ້າ-ຄະນະຫ້ອງການກົມກອງ,ລັດວິສາຫະກິດ, ນາຍບ້ານເທດສະບານ ແລະ ພະນັກງານລັດຖະກອນເຂົ້າຮ່ວມ.
ໃນວາລະປະທານມີຄໍາເຫັນຮຽກຮ້ອງໃຫ້ບັນດາທ່ານເຂົ້າຮ່ວມກອງປະຊຸມຄັ້ງນີ້ ຈົ່ງເອົາໃຈໃສ່ຕິດຕາມຮັບຟັງເນື້ອໃນຜົນສໍາເລັດຂອງ 2 ກອງປະຊຸມດັ່ງກ່າວ ແລະ ຈົ່ງກໍາແໜ້ນທິດທາງແຜນການຕໍ່ໜ້າ ເພື່ອນໍາໄດ້ໄປຈັດຕັ້ງປະຕິບັດຜັນຂະຫຍາຍຢູ່ໃນຂັ້ນຂອງຕົນ ນອກຈາກນັ້ນ ທ່ານ ນາງ ຄໍາຫຼ້າ ທອງສີວອນ ຮອງປະທານຄະນະກໍາມະການເສດຖະກິດ, ແຜນການ ແລະ ການເງິນ ສະພາປະຊາຊົນແຂວງໄຊສົມບູນ ແລະ ທ່ານ ດົວຊົ່ງ ໄຊກໍ ສະມາຊິກສະພາປະຊາຊົນແຂວງໄຊສົມບູນປະຈໍາເຂດເລືອກຕັ້ງເມືອງລ້ອງຊານ ໄດ້ຜັນປ່ຽນກັນ ຂື້ນເຜີຍແຜ່ຜົນສໍາເລັດກອງປະຊຸມສະໄໝວິສາມັນເທື່ອທີ 9 ຂອງສະພາແຫ່ງຊາດ ຊຸດທີ່ IX ແລະ ຜົນສໍາເລັດກອງປະຊຸມສະໄໝວິສາມັນທີ່ 9 ຂອງສະພາປະຊາຊົນແຂວງໄຊສົມບູນ ຊຸດທີ່ II ທັງສອງໃຫ້ຮູ້ວ່າ:ກອງປະຊູມສະໄໝສາມັນ ເທື່ອທີ 9 ຂອງສະພາແຫ່ງຊາດ ຊຸດທີ IX ໄດ້ໄຂຂື້ນໃນວັນທີ 09 ຫາ 26 ມິຖຸນາ 2025 ເຊີ່ງກອງປະຊຸມໄດ້ດໍາເນີນເປັນເວລາ 14 ວັນ ພາຍໃຕ້ການນໍາພາຂອງ ທ່ານ ປອ. ໄຊສົມພອນ ພົມວິຫານ ກໍາມະການກົມການເມືອງສູນກາງພັກ, ປະທານສະພາແຫ່ງຊາດ, ໃນການດໍາເນີນກອງປະຊຸມ ດ້ວຍຄວາມຮັບຜິດຊອບສູງ ໃນການສຸມເຫືື່ອແຮງສະຕິປັນຍາຂອງບັນດາທ່ານ ສະມາຊິກສະພາແຫ່ງຊາດ ໃນການປະກອບຄໍາຄິດຄໍາເຫັນຢ່າງກົງໄປກົງມາ ຢູ່ໃນກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ ຊຸດທີ IX ທັງການປະກອບສ່ວນຂອງລັດຖະບານ, ກະຊວງ,ອົງການ, ຂະແໜງການຕ່າງໆ ແລະ ພາກສ່ວນທີ່ກ່ຽວຂ້ອງ ຕາມພາລະບົດບາດຂອງຕົນຢ່າງຕັ້ງໜ້າ ຈື່ງເຮັດໃຫ້ການພິຈາລະນາ ແລະ ຮັບຮອງເອົາບັນຫາສາໍຄັນຂອງຊາດ ຕາມສິດ ແລະ ໜ້າທີ ຂອງສະພາແຫ່ງຊາດ ທີ່ກໍານົດໄວ້ໃນລັດຖະທໍາມະນູນ ແລະ ກົດໝາຍ ໄດ້ຮັບຜົນສາໍເລັດຕາມລະດັບຄາດໝາຍທີ່ວາງໄວ້ ໃນກອງປະຊຸມໄດ້ຮັບຟັງການລາຍງານຂອງລັດຖະບານ ການຈັດຕັ້ງປະຕິບັດແຜນພັດທະນາ ເສດຖະກິດ-ສັງຄົມແຫ່ງຊາດ, ແຜນງົບປະມານແຫ່ງລັດ ແລະ ແຜນເງີນຕາ 6 ເດືອນຕົ້ນປີ 2025 ຜ່ານມາ ສາມາດປະຕິບັດບັນດາຄາດໝາຍບັນລຸຜົົນສໍາເລັດ ດ້ານເສດຖະກິດມະຫາພາກ ລວມຍອດຜະລິດຕະພັນໃນ GDP ປະຕິບັດໄດ້ 4,5%(ມະຕິສະພາແຫ່ງຊາດກໍານົດ 4,8% ຂື້ນໄປ),ແຜນລາຍຮັບງົບປະມານ ປະຕິບັດໄດ້ 37,100 ຕື້ກີບ ເທົ່າກັບ 54,47% ຂອງແຜນປີ(ມະຕິສະພາແຫ່ງຊາດກາໍນົດ 68,100 ຕື້ກີບ); ແຜນລາຍຈ່າຍງົບປະມານ ປະຕິບັດໄດ້ 36,380 ຕື້ກີບ ເທົ່າກັບ 50.63% (ມະຕິສະພາແຫ່ງຊາດ ກໍານົດ 71,850 ຕື້ກີບ); ອັດຕາເງີນເຟີ້ ສະເລ່ຍຢູ່ໃນລະດັບ 10,9% ( ມະຕິສະພາແຫ່ງຊາດ ກາໍນົດ 9% ) ມີທ່າອ່ຽງຫຼຸດລົງຈາກ 20% ໃນປີ 2024 ອັດຕາແລກປ່ຽນ ຖ້າທຽບທ້າຍປີຜ່ານມາ ເງີນກີບ ມີທ່າອ່ຽງແຂງຄ່າ 0,23% ທຽບໃສ່ໂດລາສະຫະລັດ ແລະ ອ່ອນຄ່າ 1,63% ທຽບໃສ່ເງີນບາດ; ຄັງສໍາຮອງເງີນຕາຕ່າງປະເທດ ສາມາດກຸ້ມການນາໍເຂົ້າໄດ້ 5,03 ເດືອນ (ມະຕິສະພາແຫ່ງຊາດ ກາໍນົດຢ່າງໜ້ອຍ 5 ເດືອນ), ການຄຸ້ມຄອງລາຍຮັບເງີນຕາ ຜ່ານລະບົບທະນາຄານ ຄາດຄະເນຈະປະຕິບັດໄດ້ 71, 57% ຂອງການສົ່ງອອກ; ການຄ້າຕ່າປະເທດ 6 ເດືອນຕົ້ນປີ ປະຕິບັດໄດ້ 6,218.52 ລ້ານໂດລາສະຫະລັດ, ເທົ່າກັບ 62,85% ຂອງແຜນການປີ; ແຜນເງີນຕາ 6 ເດືອນທ້າຍປີ 2025 ໃຫ້ບັນລຸຜົນສາໍເລັດຕາມລະດັບຄາດໝາຍທີ່ວາງໄວ້, ກອງປະຊຸມ ສະເໜີລັດຖະບານສືບຕໍ່ສຸມໃສ່ການປະຕິບັດວຽກງານດັ່ງລຸ່ມນີ້: ສືບຕໍ່ປະຕິບັດແຜນຍຸດທະສາດກໍ່ສ້າງຮາກຖານການເມືອງພັດທະນາຊົນນະບົດ ແລະ ເຂດຫ່າງໄກສອກຫຼີກ, ເຂດຫຼໍ່ແຫຼມຕາມຊາຍແດນ, ການປັບປຸ່ງກົງຈັກການຈັດຕັ້ງ ຕາມມະຕິກອງປະຊຸມສະໄໝວິສາມັນ ເທື່ອທີ 2 ຂອງສະພາແຫ່ງຊາດ ຊຸດທີ IX ; ສືບຕໍ່ຈັດຕັ້ງຜັນຂະຫຍາຍມະຕິຂອງກົມການເມືອງສູນກາງພັກ ກ່ຽວກັບການສ້າງເສດຖະກິດເອກະລາດ ເປັນເຈົ້າຕົນເອງ, ມະຕິກອງປະຊຸມຄົບຄະນະບໍລິຫານງານພັກ ຄັ້ງທີ 9 ສະໄໝທີ IX, ມະຕິຂອງສະພາແຫ່ງຊາດ ຕິດພັນກັບ 2 ວາລະແຫ່ງຊາດ ໃນປີມ້ວນທ້າຍໃຫ້ມີຜົນສາໍເລັດ, ສືບຕໍ່ ຈັດຕັ້ງປະຕິບັດບັນດາຄາດໝາຍທີ່ມີຄວາມຄືບໜ້າໜ້ອຍ ເປັນຕົ້ນ: ເກັບລາຍຮັບຈາກຖານລາຍຮັບທີ່ມີທ່າແຮງຕົວຈີງຂອງເສດຖະກິດແຫ່ງຊາດ; ການແກ້ໄຂໜີ້ສິນພາຍໃນ ແລະ ຕ່າງປະເທດ; ອັດຕາເງິນເຟີ້ ຂອງບາງໝວດສິນຄ້າທີ່ມີການປ່ຽນແປງ ແລະ ເພີ່ມຂື້ນໄວ ໃຫ້ຫຼຸດລົງ; ຄາດໝາຍໃນຂົງເຂດວັດທະນະທາໍ-ສັງຄົມ; ຄາດໝາຍດ້ານຊັບພະຍາກອນທໍາມະຊາດ; ສືບຕໍ່ຈັດຕັ້ງປະຕິບັດແຜນເງີນ ຕາມມະຕິກອງປະຊຸມສະພາແຫ່ງຊາດ ສະບັບເລກທີ 133/ສພຊ,ລົງວັນທີ 18 ພຈິກ 2024; ສືບຕໍ່ແກ້ໄຂບັນຫາເຄັ່ງຮ້ອນຂອງສັງຄົມ, ຂໍ້ຄົງຄ້າງ ແລະ ສິ່ງທ້າທາຍຕໍ່ການພັດທະນາ ເປັນຕົ້ນ ການປັບປຸງລະບອບເງີນເດືອນ, ເງີນອຸດໜູນຂອງພະນັກງານ-ລັດຖະກອນ ລວມທັງພະນັກງານຄູ, ທະຫານ-ຕໍາຫຼວດໃຫ້ເໝາະສົມກັບສະພາບເສດຖະກິດໃນປັດບັນຈຸ ກອງປະຊຸມ ເຫັນດີຕໍ່ເນື້ອໃນບົດລານງານຂອງລັດຖະບານ ກ່ຽວກັບການຈັດຕັ້ງປະຕິບັດບັນດານະໂຍບາຍ,ນິຕີກາໍ, ສືບຕໍ່ຈັດຕັ້ງປະຕິບັດທິດທາງແຜນການ ແລະ ມາດຕະການປະຕິບັດໃນຕໍ່ໜ້າ ດັ່ງນີ້:ກອງປະຊຸມ ເຫັນດີຫຼຸດຜ່ອນພາສີ-ອາກອນ ນໍາເຂົ້າວັດສະດຸກໍ່ສ້າງ ແລະ ກົນຈັກ, ຄ່າຊັບພະຍາກອນທາໍມະຊາດ ແລະ ອາກອນມູນຄ່າເພີ່ມ ລົງເປັນ 50% ຂອງອັດຕາການເກັບ ຕາມທີ່ໄດ້ກໍານົດໄວ້ໃນກົດໝາຍ ແລະ ນິຕີກາໍໃຕ້ກົດໝາຍ; ຮັບຮອງເອົາບັນດາໂຄງການສ້ອມແປງ ແລະ ຍົກລະດັບທາງຫຼວງແຫ່ງຊາດສາຍຫຼັກ ໃຫ້ສາມາດຮັບນາໍໍ້ໜັກໄດ້ 11 ໂຕນ/ເພົາ; ເຫັນດີຕໍ່ບົດລາຍງານການຈັດຕັ້ງໂຄສະນາເຜີຍຜ່ກົດໝາຍ ດ້ວຍຫຼາຍຮູບແບບ. ກອງປະຊຸມຍັງໄດ້ຮັບຟັງ ກ່ຽວກັບການຈັດຕັ້ງປະຕິບັດປີທ່ອງທ່ຽວ ແລະ ທິດທາງແຜນການໃນຕໍ່ໜ້າເອົາໃຈໃສ່ນາໍພາ-ຊີ້ນາໍທຸກພາກສ່ວນໃນສັງຄົມ ເປັນເຈົ້າການຈັດຕັ້ງປະຕິບັດປີທ່ອງທ່ຽວລາວ ເຊີ່ງສ້າງລາຍຮັບໃຫ້ຜູ້ປະກອບທຸລະກິດການທ່ອງທ່ຽວ, ເຊີ່ງສາມາດສ້າງວຽກເຮັດງານທາໍ, ປະກອບສ່ວນໃນການແກ້ໄຂຊີວິດການເປັນຢູ່ຂອງປະຊາຊົນໃຫ້ດີຂື້ນເປັນກ້າວໆ ແລະ ຍັງເຫັນດີຮັບຮອງເອົາການສ້າງ ແລະ ປັບປຸ່ງກົດໝາຍ ຈໍານວນ 10 ສະບັບ ໃນນີ້, ກົດໝາຍສ້າງໃໝ່ 5 ສະບັບ ຄື 1 ກົດໝາຍ ວ່າດ້ວຍຄວາມປອດໄພໄຊເບີ; 2 ກົດໝາຍ ວ່າດ້ວຍສັຄົມງສົງເຄາະ; 3 ກົດໝາຍວ່າພະນັກງານໄອຍະການປະຊາຊົນ, 4 ກົດໝາຍວ່າດ້ວຍສາມັນສຶກສາ 5 ກົດໝາຍວ່າດ້ວຍການປູກຟັງ. ກົດໝາຍປັບປຸ່ງ 5 ສະບັບ ຄື: 1 ກົດໝາຍວ່າດ້ວຍຢາ ແລະ ຜະລິດຕະພັນການແພດ; 2 ກົດໝາຍວ່າດ້ວຍອາກອນລາຍໄດ້; 3 ກົດໝາຍວ່າປ້າຍ; 4 ກົດໝາຍວ່າດ້ວຍຊົນລະປະທານ ແລະ ກົດໝາຍການປັບປຸ່ງມາດຕາຂອງກົດໝາຍວ່າດ້ວຍສານປະຊາຊົນ.
ຕອນທ້າຍ ປະທານໄດ້ສະແດງຄວາມຍ້ອງຍໍຊົມເຊີຍຕໍ່ບັນດາຜູ່ເຂົ້າຮ່ວມທີ່ມີຄວາມຕັ້ງໃຈຮັບຟັງ ແຕ່ຕົ້ນຈົນຈົບ ເປັນຕົ້ນ ແມ່ນທຸກຂົງເຂດວຽກງານໄດ້ຮັບຮູ້ກ່ຽວການຮັບຮອງເອົາບັນດາເນື້ອໃນທັງໝົດ 18 ຫົວຂໍ້ ແລະ ການຮັບຮອງເອົາກົດໝາຍ ຈາໍນວນ 10 ສະບັບນີ້ ເພື່ອນໍາໄປເປັນບ່ອນອີງ ໃນການປະຕິບັດຕໍ່ໜ້າທີ່ວຽກງານຂອງຕົນໃຫ້ມີຜົນສາໍເລັດ ນອກນັ້ນ ປະທານຍັງໄດ້ຮຽກຮ້ອງ ໃຫ້ການຈັດຕັ້ງທຸກພາກສ່ວນ ຈົ່ງນາໍເອົາເນື້ອໃນທີ່ໄດ້ນໍາມາເຜີຍແຜ່ຄັ້ງນີ້ ໄປຈັດຕັ້ງປະຕິບັດຜັນຂະຫຍາຍຢູ່ຂັ້ນຂອງຕົນ ໃຫ້ໄດ້ຮັບຮູ້ຢ່າງທົ່ວເຖີງເຂົ້າໃຈເລີກເຊີ່ງກວ່າເກົ່າ.