ສະຫາຍ ພົຈວ ບົວພັນ ອິນທະປັນຍາ, ຮອງເລຂາພັກແຂວງໄຊສົມບູນ ພ້ອມດ້ວຍຄະນະ ໄດ້ເຂົ້າອວຍພອນ ສະຫາຍ ຫງວຽນ ມິງເຕີມ, ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສສ ຫວຽດນາມ ປະຈຳ ສປປ ລາວ ແລະ ເຂົ້າອວຍພອນ ສະຫາຍ ພັອ ພິເສັດ ວໍ ວັນຖົງ, ທີ່ປຶກສາທູດທະຫານ ປະຈຳລາວ ເນື່ອງໃນໂອກາດບຸນປີໃໝ່ປະຈຳຊາດຫວຽດນາມ ໃນວັນທີ 16 ມັງກອນ 2025 ນີ້ ໂດຍໄດ້ຮັບການຕ້ອນຮັບ ຈາກສະຖານທູດຂອງ ສສ ຫວຽດນາມ ປະຈຳລາວ ທັງສອງ ສະຫາຍ ຢ່າງອົບອຸ່ນ.
ການເຂົ້າອວຍພອນສະຖານທູດຫວຽດນາມ ປະຈຳລາວ ຄັ້ງນີ້ ກໍເພື່ອເປັນການເສີມຂະຫຍາຍສາຍພົວພັນມິດຕະພາບ, ຄວາມສາມັກຄີພິເສດ ແລະ ການຮ່ວມມືແບບຮອບດ້ານ ລະຫວ່າງ ສອງພັກ, ສອງລັດ ກໍຄືປະຊາຊົນ ສອງຊາດລາວ-ຫວຽດນາມ, ຫວຽດນາມ-ລາວ ເວົ້າສະເພາະກໍຄື ແຂວງໄຊສົມບູນ ແລະ ຜູ້ແທນການທູດຂອງ ສສ ຫວຽດນາມ ປະຈຳລາວ ໃຫ້ແຕກດອກອອກຜົນ, ງົດງາມ ນັບມື້ກ້າວເຂົ້າສູ່ລວງເລິກທີ່ໜັກແໜ້ນ ແລະ ໝັ້ນຄົງທະນົງແກ່ນຕະຫຼອດໄປ.
