ໃນຕອນບ່າຍຂອງວັນທີ 10 ກໍລະກົດ 2024 ນີ້, ໜ່ວຍຊາວໜຸ່ມ ຄະນະໂຄສະນາອົບຮົມແຂວງ ໄດ້ສ້າງຂະບວນການອອກແຮງງານລວມ ໃນຂອບເຂດບໍລິເວນທີ່ຕົນຮັບຜິດຊອບ ຢູ່ສວນສາທາລະນະ ຫໍຫຼັກເມືອງ.
ການສ້າງຂະບວນການອອກແຮງງານລວມໃນຄັ້ງນີ້ ແມ່ນໄດ້ພ້ອມກັນອະນາໄມເກັບຂີ້ເຫຍື້ອ, ບົວລະບັດສວນດອກໄມ້, ຫຼົກຫຍ້າ, ຈີ້ມສວນດອກໄມ້ ແລະ ຕີໄມ້ເຮັດຄອກໃສ່ດອກໄມ້ ເພື່ອປ້ອງກັນສັດລ້ຽງຂອງປະຊາຊົນ ແລະ ນັກທ່ອງທ່ຽວຢຽບ ໃນໄລຍະທີ່ຕົ້ນດອກໄມ້ຍັງນ້ອຍ ໃນຂອບເຂດສວນສາທາລະນະ ຫໍຫຼັກເມືອງ ຊຶ່ງແຕ່ລະຄົນຕ່າງກໍໄດ້ພ້ອມກັນຕັ້ງໃຈ ເອົາໃຈໃສ່ໃນການອອກແຮງງານ ດ້ວຍຄວາມຮັບຜິດຊອບສູງ ຈົນເຮັດໃຫ້ການອອກແຮງງານຄັ້ງນີ້ສຳເລັດ.
