ເນື່ອງໃນໂອກາດບຸນປີໃໝ່ປະຈຳຊາດ ສສ ຫວຽດນາມ ປີ2025, ຄະນະຜູ້ແທນແຂວງໄຊສົມບູນ ນຳໂດຍ ສະຫາຍ ທອງວັນ ທໍາມະວົງ, ຄະນະປະຈຳພັກແຂວງ, ຫົວໜ້າຄະນະຈັດຕັ້ງແຂວງພ້ອມດ້ວຍຄະນະ ໄດ້ເດີນທາງໄປຢ້ຽມຢາມ ແລະ ອວຍພອນປີໃໝ່ ການນຳແຂວງກວາງບິງ, ສສ ຫວຽດນາມ ໃນເວລາ 13:00 ໂມງ ຂອງວັນທີ 16 ມັງກອນ 2025.
ເຊິ່ງໃນ ລະຫວ່າງ ການເຂົ້າອວຍພອນ ກໍໄດ້ຮັບກຽດຈາກ ການນໍາແຂວງກວາງບິງ ໃຫ້ການຕ້ອນຮັບ ໂດຍ ສະຫາຍ ເຈີນຫວູຄຽມ, ຄະນະປະຈຳພັກແຂວງ, ຫົວໜ້າຄະນະຈັດຕັ້ງແຂວງກວາງບິງ. ຊຶ່ງການໄປຢ້ຽມຢາມ ແລະ ອວຍພອນການນໍາແຂວງກວາງບິງ ສສ ຫວຽດນາມຄັ້ງນີ້, ກໍ່ເພື່ອເປັນການປະກອບສ່ວນເຂົ້າໃນການເສີມຂະຫຍາຍສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງ ສອງພັກ-ສອງລັດຖະບານ ແລະ ປະຊາຊົນສອງຊາດ ລາວ – ຫວຽດນາມ ໂດຍສະເພາະແມ່ນການຮ່ວມຂອງໄຊສົມບູນ ແລະ ແຂວງກວາງບິງ ສ.ສ ຫວຽດນາມນາມ ໃຫ້ນັບມື້ກ້າວເຂົ້າສູ່ລວງເລິກ, ແຕກດອກອອກຜົນຕະຫຼອດການ.
