ຄະນະໂຄສະນາອົບຮົມແຂວງ, ຄະນະໂຄສະນາອົບຮົມເມືອງລ້ອງແຈ້ງ ລົງຕິດຕາມຊຸກຍູ້ ບ້ານແຮກສ່ຽວ ບ້ານນໍ້າຜາໃຫຍ່

ໃນລະຫວ່າງຄັ້ງວັນທີ 27 ສິງຫາ 2025 ຄະນະໂຄສະນາອົບຮົມແຂວງ ສົມທົບກັບ ຄະນະໂຄສະນາອົບຮົມເມືອງລ້ອງແຈ້ງ ລົງຕິດຕາມ, ຊຸກຍູ້ ວຽກງານແຮກສ່ຽວ ຢູ່ ບ້ານນໍ້າຜາໃຫຍ່ ເມືອງລ້ອງແຈ້ງ ແຂວງໄຊສົມບູນ ພາຍໃຕ້ການເປັນປະທານຂອງ ທ່ານ ເຍ່ຍຊ່າງ ລ່ອງປາວຈັ້ງ ຮອງຫົວໜ້າຄະນະໂຄສະນາອົບຮົມແຂວງ ພ້ອມດ້ວຍທິມງານແຂວງ ແລະ ເມືອງ, ມີນາຍບ້າຍ, ຄະນະບ້ານ, ກອງກໍ່ສ້າງຮາກຖານປະຈໍາບ້ານ ແລະ ມີບັນດາຂະແໜງການຂອງບ້ານຕະຫຼອດຮອດພໍ່ແມ່ປະຊາຊົນເຂົ້າຮ່ວມ

ໃນພິທີໄດ້ຮັບຟັງການລາຍງານ ຈາກນາຍບ້ານ ໂດຍທ່ານກໍ່ໃຫ້ຮູ້ກ່ຽວກັບສະພາບຈຸດພິເສດ ແລະ ການເຄື່ອນໄຫວໂດຍຫຍໍ້ຄື: ບ້ານນໍ້າຜາໃຫຍ່ ມີພົນລະເມືອງທັງໝົດ 370 ຄົນ, ຍິງ 155 ຄົນ ມີຈໍານວນຫຼັງຄາເຮືອນ 70 ຫຼັງຄາ, ມີ 85 ຄອບຄົວ, ມີ 3 ຊົນເຜົ່າຢູ່ຮ່ວມກັນຄື: ເຜົ່າລາວລຸ່ມ, ເຜົ່າມົ້ງ ແລະ ເຜົ່າກືມມຸ; ມີ 1 ໜ່ວຍພັກ, ສະສະມາຊິກພັກທັງໝົດ 26 ສະຫາຍ, ສໍາຮອງ 1 ສະຫາຍ; ໃນນັ້ນ ເລຂາພັກ 1 ສະຫາຍ, ຍິງ 1 ສະຫາຍ, ຮອງ 2 ສະຫາຍ, ຍິງ 1 ສະຫາຍ; ປະຊາຊົນພາຍໃນບ້ານສ່ວນຫຼາຍແມ່ນເຮັດໄຮ່, ນາ, ປູກມັນສະຄູ ແລະ ສາລີ.

ທ່ານ ເຍ່ຍຊ່າງ ລ່ອງປາວຈັ້ງ ກໍ່ໄດ້ຊັກຖາມກ່ຽວກັບການຈັດຕັ້ງປະຕິບັດ ຕາມບົດບັນທຶກແຮກສ່ຽວ ສະບັບລົງວັນທີ 18 ມີຖຸນາ 2025 ໂດຍສະເພາະທ່ານໄດ້ເນັ້ນໜັກ ລົງເລິກວຽກງານການຊິ້ນໍາ-ນໍາພາຂອງບ້ານ, ການກໍ່ສ້າງໜ່ວຍພັກໃຫ້ເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ, ວຽກງານປ້ອງກັນຊາດ, ປ້ອງກັນຄວາມສະຫງົບ ພາຍໃນບ້ານ; ການເຄື່ອນໄຫວ 5 ໜ່ວຍງານຂອງບ້ານ ແລະ ບັນຫາຂໍ້ຫຍຸ້ງຍາກ, ສະດວກ ຂອງບ້ານໄລຍະຜ່ານມາເປັນໃດ; ຈາກນັ້ນກໍ່ໄດ້ແລະປ່ຽນຖອດຖອນບົດຮຽນ ຢ່າງດໍກົງໄປກົງມາໂດຍສະເພາະບ້ານໄດ້ສະເໜີ 1. ຊ່ວຍບຸກເບີກທີ່ດິນນາ ຈໍານວນ 24 ເຮັກຕາ ທີ່ຖືກຜົບກະທົບຈາກໄພທໍາມະຊາດ; 2. ຊ່ວຍແກ້ໄກຊົນລະປະທານ; 3. ນໍ້າສະອາດ, ນໍ້າລິນພາຍໃນບ້ານບໍ່ສາມາດນໍາໃຊ້ຊິວິດປະຈໍາວັນ ຍ້ອນມີຫຼາຍບໍລິດສັດມາຂຸດຄົ້ນແຮ່ທາດ ເຮັດໃຫ້ນໍ້າຂຸມຕະຫຼອດເວລາ.

ຕອນທ້າຍ, ທ່ານ ເຍ່ຍຊ່າງ ລ່ອງປາວຈັ້ງ ຮອງຫົວໜ້າຄະນະໂຄສະນາອົບຮົມແຂວງ ໄດ້ມີຄໍາເຫັນໂອ້ລົມ ຊຶ່ງທ່ານສະແດງຄວາມຊົມເຊິຍ ແລະ ກໍ່ເນັ້ນໜັກໃຫ້ຄະນະພັກບ້ານເປັນເຈົ້າການຊິ້້ນໍາ-ນໍາພາຕາມແບບແຜນວິທີເຮັດວຽກ ຊ່ວຍກັນສ້າງສາພັດທະນາບ້ານ, ເພື່ອລຶບລ້າງຄວາມທຸກຍາກຂອງປະຊາຊົນ ໃຫ້ຫຼຸດນ້ອຍຖອຍລົງເທື້ອລະກ້າວ ໂດຍສະເພາະສ້າງໜ່ວຍພັກບ້ານ ໃຫ້ເປັນໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ, ຊິ້ນໍາ 5 ໜ່ວຍງານຂອງບ້ານໄດ້ເຄື່ອນໄຫວຖຶກຕ້ອງຕາມພາລະບົດບາດ, ສິດ ແລະ ໜ້າທີ່, ເອົາໃຈໃສ່ວຽກງານປ້ອງກັນຊາດປ້ອງກັນຄວາມສະຫງົບໃຫ້ມີສະທຽນລະພາບດີ ແລະ ສືບຕໍ່ຊິ້ນໍາ-ນໍາພາບ້ານໃຫ້ມີຜົນສໍາເລັດຕາມລະດັບຄາດໝາຍທີ່ວາງໄວ້.

Leave a Reply

Your email address will not be published. Required fields are marked *

slot, slot pulsa, slot deposit pulsa, deposit pulsa, deposit pulsa tanpa potongan, slot pulsa 2024, slot pulsa terpercaya slot pulsa slot pulsa