ພິທີ ປະກາດແຮກສ່ຽວ ລະຫວ່າງ ຄະນະໂຄສະນາອົບຮົມ ແຂວງໄຊສົມບູນ, ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ, ພະແນກຊັບພະຍາກອນທຳມະຊາດ ແລະ ສິ່ງແວດລ້ອມ, ຄະນະໂຄສະນາອົບຮົມ ເມືອງຮົ່ມ, ຫ້ອງການຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແລະ ຫ້ອງການຊັບພະຍາກອນທຳມະຊາດ ແລະ ສິ່ງແວດລ້ອມ ກັບ ບ້ານພູງູ ເມືອງຮົ່ມ ແຂວງໄຊສົມບູນ ໄດ້ຈັດຂຶ້ນໃນຕອນເຊົ້າຂອງວັນທີ 17 ມິຖຸນາ 2025 ນີ້ ທີ່ຫ້ອງການຂອງບ້ານ ໂດຍການເປັນປະທານຮ່ວມຂອງ ທ່ານ ພູແກ້ວ ອິນທະວົງ, ຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງ, ມີ ທ່ານ ໄຊສະຫວາດ ເລົ່າຢີ, ປະທານກວດກາພັກ-ລັດ ເມືອງ ແລະ ທ່ານ ຕົວເຮີ່ ຈະເລີນເຍ່ຍປາວ, ຄະນະບ້ານ-ບ້ານພູງູ ພ້ອມດ້ວຍພະແນກການທີ່ກ່ຽວຂ້ອງ ຂອງແຂວງ ແລະ ເມືອງ ຕະຫຼອດຮອດປະຊາຊົນ ພາຍໃນບ້ານ ເຂົ້າຮ່ວມ.