ພິທີປະຖະກະຖາເລົ່າມູນເຊື້ອວັນສ້າງຕັ້ງແນວລາວສ້າງຊາດ ແລະ ວັນສື່ມວນຊົນ ຄົບຮອບ 75 ປີ

ເພື່ອເປັນການຫວນຄືນມູນເຊື້ອວັນສ້າງຕັ້ງແນວລາວສ້າງຊາດ ແລະ ວັນສື່ມວນຊົນ ໃນວັນທີ 8 ສີງຫາ 2025 ຫ້ອງການແນວລາວສ້າງຊາດ ແລະ ຫ້ອງການ ຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ເມືອງອະນຸວົງ ໄດ້ຈັດພິທີປະຖະກະຖາເລົ່າມູນເຊື້ອວັນສ້າງຕັ້ງແນວລາວສ້າງຊາດ ແລະ ວັນສື່ມວນຊົນ ຄົບຮອບ 75 ປີ ຂື້ນທີ່ສະໂມສອນເມືອງອະນຸວົງ, ໂດຍການເປັນປະທານຂອງ ສະຫາຍ ຮືທໍ່ ເພຍຫຼວງ ກໍາມະການພັກແຂວງ, ເລຂາ ເມືອງອະນຸວົງ, ມີຄະນະປະຈໍາ, ກໍາມະການພັກເມືອງ, ຫົວໜ້າ, ຮອງຫົວໜ້າ ຫ້ອງການ, ການຈັດຕັ້ງບ້ານ 2 ບ້ານເທດສະບານ, ເຖົ້າແກ່ແນວໂຮມບ້ານ ແລະ ຫ້ອງການທີ່່່ກ່ຽວຂ້ອງເຂົ້າຮ້ວມຢ່າງພ້ອມພຽງ.
ໃນພິທີ, ທ່ານ ຮືທ່າວ ເພຍຫຼວງ, ກໍາມະການພັກແຂວງ, ເລຂາພັກເມືອງອະນຸວົງ ໄດ້ຂື້ນເລົ່າມູນເຊື້ອການກໍາເນີດເຕີບໃຫ່ຍຂະຫຍາຍຕົວ ແລະ ມູນເຊື້ອອັນສະງ່າລາສີຂອງແນວລາວສ້າງຊາດ ເນື່ອງໃນໂອກາດວັນສ້າງຕັັ້ງແນວລາວສ້າງຊາດຄົບຮອບ 75 ປີ, ເຊີ່ງໄດ້ຍົກໃຫ້ເຫັນຜົນງານອັນພົ້ນເດັ່ນແຫ່ງການຕໍ່ສູ້ກູ້ຊາດຕ້ານຈັກກະພັດລ່າເມືອງຂື້ນແບບເກົ່າ ແລະ ແບບໃໝ່ໃນສະໄໝແນວລາວອິດສະລະ ແລະ ແນວລາວຮັກຊາດ ແລະ ການກໍາເນີດເຕີບໃຫ່ຍຂະຫຍາຍຕົວຂອງແນວລາວສ້າງຊາດມາເປັນເວລາ 75 ປີ ແລະ ໄດ້ເຕີບໃຫ່ຍຂະຫຍາຍຕົວມາໃນ 3 ໄລຍະຄື: ໄລຍະແນວລາວອິດສະລະ, ໄລຍະແນວລາວຮັກຊາດ ແລະ ໄລຍະແນວລາວສ້າງຊາດຈົນເຖີງປັດຈຸບັນ ແລະ ສະຫາຍໄດ້ເລົ່າກ່ຽວກັບ ປະຫວັດ, ມູນເຊື້ອ ແລະ ຜົນງງງານທີ່ພົ້ນເດັ່ນຂອງວຽກງານສື່ມວນຊົນ ແລະ ການພິມຈໍານ່າຍ ເຊິ່ງໄດ້ຍົກໃຫ້ຮູ້ວ່າຂະບວນວິວັດແຫ່ງການກໍາເນີດ ແລະ ຂະຫຍາຍຕົວຂອງສັງຄົມມະນຸດແມ່ນເລິ່ມມີພາສາປາກເວົ້າ ແລະ ຕົວໜັງສື ຄົນເຮົາກໍເລິ່ມມີການຕິດຕໍ່ພົວພັນສົ່ງຂ່າວທາງຈົດໝາຍ, ກ້າວຂື້ນມີໃບຂ່າວ, ໃນປິວ ແລະ ໜັງສືພິມ, ວິທະຍຸ, ໂທລະພາບ ແລະ ສືີ່ແບບໃໝ່ຕາມລໍາດັບ, ນອກຈາກນັ້ນ, ສະຫາຍໄດ້ ເລົ່າມູນເຊື້ອປະຫວັດ, ຄວາມເປັນມາ ແລະ ຜົນງານອັນພົ້ນເດັ່ນໃນໄລຍະຜ່ານມາກ່ຽວກັບ ວຽກງານສື່ມວນຊົນ.
ພ້ອມນັ້ນ ສະຫາຍຍັງ ໄດ້ເນັ້ນໜັກມາຍັງແຕ່ລະສະຫາຍ, ຈົ່ງພ້ອມກັນຮັກສາມູນເຊື້ອເຕົ້າໂຮມຄວາມສາມັກຄີ, ມີຄວາມປອງດອງເປັນອັນໜື່ງອັນດຽວທົ່ວປວງຊົນ ເພື່ອສ້າງຄວາມເປັນເອກະພາບ ໃນການສ້າງສາປະເທດຊາດໃຫ້ມີຄວາມເຂັ້ມແຂງ, ປະຊາຊົນມີຄວາມຜາສຸກ, ສັງຄົມມີປະຊາທີປະໄຕ, ສີວິໄລ ແລະ ຍຸຕິທໍາ ເສີມຂະຫຍາຍສິດເປັນເຈົ້າຂອງປະຊາຊົນບັນດາເຜົ່າເຂົ້າຮ່ວມທຸກຂະບວນການວຽກງານຢ່າງຫ້າວຫັນ.

Leave a Reply

Your email address will not be published. Required fields are marked *

slot, slot pulsa, slot deposit pulsa, deposit pulsa, deposit pulsa tanpa potongan, slot pulsa 2024, slot pulsa terpercaya slot pulsa slot pulsa