ໃນຕອນເຊົ້າວັນທີ 26 ມີນາ 2025 ນີ້ ກອງບັນຊາການທະຫານແຂວງໄຊສົມບູນ ໄດ້ຈັດພິທີປາຖະກະຖາວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 70 ປີ ( 22 ມີນາ 1955 – 22 ມີນາ 2025 ) ຢູ່ທີ່ສະໂມສອນກອງບັນຊາການທະຫານແຂວງ ໂດຍພາຍໃຕ້ໃຫ້ກຽດ ເຂົ້າຮ່ວມ ຂອງສະຫາຍ ພົ.ວ ບົວພັນ ອິນທະປັນຍາ, ຮອງເລຂາພັກແຂວງໄຊສົມບູນ ຜູ້ຊີ້ນໍາວຽກງານພັກ – ພະນັກງານ, ມີສະຫາຍ ພົ.ວ ໝອນຄໍາ ດວງສະຫວັນ, ກໍາມະການພັກແຂວງ ເລຂາຄະນະພັກ ຫົວໜ້າການເມືອງ ກອງບັນຊາການທະຫານແຂວງໄຊສົມບູນ ພ້ອມດ້ວຍຄະນະ ຕະຫຼອດຮອດພະນັກງານຫຼັກແຫ່ຼງ ເຂົ້າຮວ່ມ.
ພິທີ ດັ່ງກ່າວ ສະຫາຍ ຮອງເລຂາພັກແຂວງ ໃຫ້ກຽດປາຖະກະຖາ ຫວນຄືນມູນເຊື້ອວັນສ້າງຕັ້ງພັກປະຊາຊົນປະຕິວັດລາວ ເຊິ່ງໄດ້ຍົກໃຫ້ເຫັນຂະບວນການວິວັດ ແຫ່ຼງການກໍາເນີດເຕີບໃຫ່ຍ ຂະຫຍາຍຕົວ ຂອງພັກປະຊາຊົນປະຕິວັດລາວ ຕະຫຼອດໄລຍະ 70 ປີ ແຫ່ງການນໍາພາຂອງພັກ ແລະ ເປັນຂີດໝາຍສໍາຄັນຢ່າງເລິກເຊິ່ງ, ພາຍຫຼັງພັກປະຊາຊົນ ປະຕິວັດລາວ ໄດ້ຮັບການສ້າງຕັ້ງຂຶ້ນ ເມືອວັນທີ 22 ມີນາ 1955 ເຊິ່ງໄດ້ກາຍເປັນເຫດການ ການເມືອງທີ່ສ້າງບາດລ້ຽວປະຫວັດສາດ ນຳເອົາຂະບວນການປະຕິວັດ ກໍ່ຄືພະລະກິດຕໍ່ສູ້ປະຕິວັດ ຂອງປະຊາຊົນລາວ ກ້າວສູ່ລະດັບສູງໃໝ່, ພາຍຫຼັງ ກຳເນີດເກີດຂື້ນ ພັກປະຊາຊົນ ປະຕິວັດລາວ ໂດຍແມ່ນ ປະທານ ໄກສອນ ພົມວິຫານ ເປັນຜູ້ນໍາໜາໄດ້ນໍາພາປະຊາຊົນລາວບັນດາເຜົ່າ ເຕົ້າໂຮມຄວາມສາມັກຄີ ເປັນປຶກແຜນດໍາ ເນີນພາລະກິດຕໍ່ສູ້ກູ້ຊາດອັນລະອິດລະອ້ຽວຍຶດເຍືອຍາວນານ ສາມາດຂັບໄລ່ ພວກຮຸກຮານຕ່າງຊາດ ແລະ ໂຄນລົ້ມອໍານາດການປົກຄອງທີ່ເປັນລູກແຫຼງຕີນມືຂອງພວກເຂົາ ລົບລ້າງລະບອບລາຊາທີປະໄຕ ຢ່າງສິນເຊິງ ແລະ ສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຂຶ້ນຢ່າງສະຫງ່າຜ່າເຜີຍໃນວັນທີ 2 ທັນວາ ປີ 1975 ເປັນການໄຂສາກຍຸກໃໜ່ຍຸກແຫ່ງການປົກປັກຮັກສາ ແລະ ສ້າງສາປະເທດຊາດໃຫ້ມັງຂັງເຂັ້ມແຂງ ປະຊາຊົນຮັ່ງມີຜາສຸກ ສັງຄົມມີປະຊາທີປະໄຕສີວິໄລ ແລະ ຍຸດຕິທໍາ ນໍາເອົາປະເທດຊາດກ້າວສູ້ສັງຄົມນິຍົມເທື່ອລະກ້າວ.
ການປາຖະກະຖາໃນຄັ້ງນີ້ ແມ່ນລະນຶກເຖິງວັນສ້າງຕັ້ງພັກປະຊາຊົນປະຕິວັດລາວ ຄົບຮອດ70 ປີ ແມ່ນເພື່ອທົບຖວນຫວນຄືນມູນເຊື້ອແຫ່ງການກໍ່ຕັ້ງການເຕີບໃຫ່ຍຂະຫຍາຍຕົວຢ່າງ ໜັກແໜ້ນ ແລະ ການນໍາພາມີໄຊຢ່າງສະຫງ່າງາມ ຂອງພັກປະຊາຊົນ ປະຕິວັດລາວ ແນ່ໃສ່ສຶກສາອົບຮົມໃຫ້ພະນັກງານສະມາຊີກພັກ ເວົ້າລວມເວົ້າສະເພາະ ນາຍ ແລະ ພົນທະຫານ ທົ່ວກອງບັນຊາການທະຫານແຂວງໄຊສົມບູນໃຫ້ຮັບຮູ້ເຂົ້າໃຈເຊື່ອມຊຶມທາດແທ້ມູນເຊື້ອອັນດີງາມຂອງພັກ ເຊີດຊູ ແລະ ບົດບາດອິດທິພົນຂອງພັກໃຫ້ສູງຂຶ້ນຢ່າງບໍ່ຢຸດຢັ້ງ ຕິດພັນກັບການຈົດຈໍາລໍາລຶກ ຜົນງານອັນໃຫ່ຍຫຼວງ ຂອງປະທານ ໄກສອນ ພົມວິຫານ ແລະ ການນໍາຮຸ່ນຕ່າງໆຂອງພັກລັດເຮົາ, ເພື່ອພ້ອມກັນຕັ້ງໜ້າສຶກສາຄົ້ນຄວ້າຮໍ່າຮຽນ ເພີ່ມທະວີຄວາມເປັນແບບຢ່າງນໍາໜ້າຍົກສູງຄວາມຮັບຜິດຊອບ ເສີມຂະຫຍາຍພາລະກິດປະຕິວັດ ບຸກບືນສູ່ຊົນເຮັດສໍາເລັດໜ້າທີ່ວຽກງານທີ່ພັກ-ລັດ ແລະ ປະຊາຊົນມອບໝາຍໃຫ້ ເຊິ່ງໃນພິທີດັ່ງກ່າວ ສະຫາຍຮອງເລຂາພັກແຂວງ ໄດ້ປະດັບຫຼຽນກາລະນຶກ 70 ປີ, ວັນສ້າງຕັ້ງພັກປະຊາຊົນ ປະຕິວັດລາວ ແລະ ມອບຫຼຽນໄຊພິລະອາດຫານຊັ້ນ ll , ຊັ້ນ lll ໃຫ້ແກ່ກົມກອງລວມໝູ່,ບຸກຄົນ ແລະ ໃບຍ້ອງຍໍຈໍານວນໝື່ງໃຫ້ແກ່ນາຍ ແລະ ພົນທະຫານ ຜູ້ທີ່ມີຜົນງານດີເດັ່ນຢູ່ກອງບັນຊາການທະຫານແຂວງໄຊສົມບູນ ຕື່ມອີກດ້ວຍ.
