ໃນລະຫວ່າງວັນທີ 16-17 ທັນວາ 2024 ຜ່ານມານີ້ ຄະນະໂຄສະນາອົບຮົມແຂວງ ສົມທົບກັບຄະນະໂຄສະນາອົບຮົມເມືອງ ລ້ອງຊານ ໄດ້ເປີດພິທີຝຶກອົບຮົມ ຄວາມຮູ້ພື້ນຖານດ້ານການເມືອງ-ການປົກຄອງ ແລະ ການສ້າງບ້ານພັດທະນາ ຂຶ້ນຢູ່ກຸ່ມບ້ານ ໂພນສະຫວາດ (516) ເມືອງລ້ອງຊານ ແຂວງໄຊສົມບູນ ໂດຍການການເປັນປະທານຮ່ວມຂອງ ທ່ານ ເຍ່ຍຊ້າງ ລ່ອງປາວຈັ້ງ ຮອງຫົວໜ້າຄະນະໂຄສະນາອົບຮົມແຂວງ ແລະ ຄະນະປະຈໍາພັກເມືອງ ລ້ອງຊານ.
ແລະ ໃນກຸ່ມບ້ານທີ່ຖືກເຊີນເຂົ້າຮ່ວມໃນຄັ້ງນີ້ ມີທັງໝົດ 8 ບ້ານຄື: ບ້ານໂພນສະຫວາດ, ບ້ານສັນປາຕອງ, ບ້ານແກ່ວສາມີ, ບ້ານໂພນສະອາດ, ບ້ານນາມອນ, ບ້ານດອນສໍາພັນ, ບ້ານຫ້ວຍນໍ້າເຢັນ, ບ້ານນໍ້ມຸ່ງ. ມີບັນດານາຍບ້ານ, ຮອງນາຍບ້ານ, ປະທານແມ່ຍິງ, ປະທານແນວ, ເລຂາຊາວໝຸ່ມ ຂອງແຕ່ລະບ້ານ ເຂົ້າຮ່ວມຢ່າງພ້ອມພຽງ ໂດຍມີຜູ້ເຂົ້າຮ່ວມທັງໝົດ 54 ທ່ານ, ຍິງ 19 ທ່ານ.
ແລະ ໃນຕອນທ້າຍຄະນະປະຈໍາພັກເມືອງ ລ້ອງຊານ ກໍໄດ້ຂຶ້ນມອບໃບຢັ້ງຢືນໃຫ້ທຸກທ່ານແຕ່ລະບ້ານ ເພື່ອເປັນການຢັ້ງຢືນໃຫ້ບັນດາທ່ານ ທີ່ໄດ້ຜ່ານການຝຶກອົບຮົມໃນຄັ້ງນີ້ອີກດ້ວຍ.
