ໃນລະຫວ່າງວັນທີ 26 ສິງຫາ 2025 ຜ່ານມາ ຄະນະໂຄສະນາອົບຮົມແຂວງໄຊສົມບູນ ໄດ້ລົງສົມທົບກັບ ຄະນະໂຄສະນາອົບຮົມເມືອງ ລ້ອງແຈ້ງ ຈັດກອງປະຊຸມເຜີຍແຜ່ເຊື່ອມຊຶມເອກະສານສຶກສາອົບຮົມ
ການເມືອງ-ແນວຄິດ ໃຫ້ບັານ ນໍ້າຜາໃຫຍ່ ແລະ ບ້ານ ພັນໄຊ ເມືອງລ້ອງແຈ້ງ ແຂວງໄຊສົມບູນ ໂດຍການເປັນປະທານຂອງ ທ່ານ ເຍ່ຍຊ່າງ ລ້ອງປາວຈັ້ງ ຮອງຫົວໜ້າຄະນະໂຄສະນາອົບຮົມແຂວງ ພ້ອມດ້ວຍທິມງານ ຄະນະໂຄສະນາອົບຮົມແຂວງ, ຄະນະໂຄສະນາອົບຮົມເມືອງ, ມີບັນດາສະຫາຍ ເລຂາພັກບ້ານ, ນາຍບ້ານ, ກອງກໍ່ສ້າງຮາກຖານ 913 ປະຈໍາບ້ານ, ຫົວໜ້າຊິງຊາວ, ເຈົ້າກົກເຈົ້າເຫຼົ່າ, ພະນັກງານບໍານານ, 5 ໜ່ວຍງານຂອງ 2 ບ້ານ ຕະຫຼອດຮອດພໍ່ແມ່ປະຊາຊົນບັນດາເຜົ່າ.
ການເຜີຍແຜ່ເຊື່ອມຊຶມເອກະສານຄັ້ງນີ້ປະກອບມີ 7 ເອກະສານ, ໃນນັ້ນໄດ້ແບ່ງຄວາມຮັບຜິດຊອບ ເອກະສານຄື: ທ່ານ ເຍ່ຍຊ່າງລ່ອງປາວຈັ້ງ ຮອງຫົວໜ້າຄະນະໂຄສະນາອົບຮົມແຂວງ ຮັບຜິດຊອບເຜີຍແຜ່ 1. ເອກະສານເສີມຂະຫຍາຍມູນເຊື້ອອັັນສະຫງ່ານລາສີ; 2. ເອກະສານ ເພີ່ມທະວີຄວາມສາມັກຄີເປັນປືກແຜນ ແລະ ຄວາມສະເໜີພາບຂອງປະຊາຊົນລາວບັນດາເຜົ່າ; 3. ເອກະສານບາງມາດຕາດ ຂອງກົດໝາຍປ່າໄມ່ ແລະ 4. ບາງມາດຕາ ຂອງກົດໝາຍຄອບຄົວ. ຈາກນັ້ນ, ທ່ານ ລີວອນເລັ່ງຊົ່ງ, ຫົວໜ້າຂະແໜງອົບຮົມ ຮັບຜິດຊອບເຜີຍແຜ່ 1. ເອກະສານ ບົດບາດ ແລະ ໜ້າທີ່ ຂອງຜູ້ຊົງຄຸນວຸດທິ; 2.ເອກະສານ ແຈ້ງການກ່ຽວກັບ ການເອີ້ນຊື່ ປະທານ, ຮອງປະທານ ຄະນະກໍາມະການປົກຄອງຂັ້ນເມືອງ ແລະ ຂັ້ນແຂວງ; 3.ເອກະສານ ກ່ຽວກັບ ບາງມາດຕາ ຂອງລັດຖະທໍາມະນູນ ( ສະບັບປັບປຸງໃໝ່ ປີ 2025) ພ້ອມດຽວກັນນັ້ນກໍ່ໄດ້ຖອດຖອນແລກປ່ຽນບົດຮຽນນໍາ 2 ບ້ານຢ່າງເປັນຂະບວນການຟົດຟື້ນ.
