ໃນຕອນບ່າຍຂອງວັນທີ 15 ກໍລະກົດ 2024 ນີ້ ຄະນະໂຄສະນາອົບຮົມແຂວງ ໄດ້ເຂົ້າພົບປະ ສະຫາຍເລຂາພັກເມືອງລ້ອງຊານ ແລະ ເຮັດວຽກກັບຄະນະໂຄສະນາອົບຮົມ ເມືອງລ້ອງຊານ, ເພື່ອຕິດຕາມ, ຊຸກຍູ້ວຽກງານຮອບດ້ານຂອງຄະນະໂຄສະນາອົບຮົມເມືອງ.
ຈຸດປະສົງການເຂົ້າພົບປະໃນຄັ້ງນີ້ ເພື່ອຄວາມຮັບຮູ້, ເຂົ້າໃຈຕໍ່ວຽກງານໂຄສະນາປາຖະກະຖາ ແລະ ແລກປ່ຽນບົດຮຽນ ເຊີ່ງກັນ ແລະ ກັນລະຫວ່າງຄະນະໂຄສະນາອົບຮົບແຂວງ ແລະ ເມືອງ ໃນການຈັດຕັ້ງປະຕິບັດແນວທາງນະໂຍບາຍ ຂອງພັກ, ກົດໝາຍຂອງລັດ, ໂຄສະນາ-ປາຖະກະຖາ ເລົ່າມູນເຊື້ອວັນສໍາຄັນຕ່າງໆ ຂອງພັກ, ຂອງຊາດ ແລະ ສາກົນ ເພື່ອໃຫ້ວຽກງານຂອງຄະນະໂຄສະນາອົບຮົມທຸກຂັ້ນ ໃຫ້ມີປະສິດທິພາບ ແລະ ໄດ້ຮັບມາກຜົນດີຂຶ້ນ ແລະ ຍັງເປັນການຝຶກອົບຮົມ ແລະ ຍົກສູງຄຸນນະພາບໃຫ້ ນັກໂຄສະນາ-ປາຖະກະຖາ ເພື່ອນໍາໄປຈັດຕັ້ງປະຕິບັດຫັນມາເປັນແຜນການ, ໂຄງການອັນລະອຽດ ໃຫ້ບັນລຸຕາມລະດັບຄາດໝາຍທີ່ໄດ້ກໍານົດໄວ້.
