ໃນລະຫວ່າງວັນທີ 15-16 ພະຈິກ 2024 ຜ່ານມານີ້ ຄະນະໂຄສະນາອົບຮົມແຂວງ ສົມທົບກັບຄະນະໂຄສະນາອົບຮົມເມືອງ ລ້ອງແຈ້ງ ໄດ້ຈັດພິທີ ເຜີຍແຜ່ເຊື່ອມຊຶມ ບັນດາເອກະສານສຶກສາອົບຮົມ ການເມືອງ-ແນວຄິດ ແລະ ຝຶກອົບຮົມຄວາມຮູ້ພື້ນຖານດ້ານການເມືອງ-ການປົກຄອງ ແລະ ການສ້າງບ້ານພັດທະນາ ໃຫ້ປະຊາຊົນລາວ ບັນດາເຜົ່າ ຢູ່ເມືອງລ້ອງແຈ້ງ ແຂວງໄຊສົມບູນ ໂດຍການການເປັນປະທານຮ່ວມຂອງ ທ່ານ ສົມດາວີ ຄໍາເມືອງຄູນ ຮອງຫົວໜ້າຄະນະໂຄສະນາອົບຮົມແຂວງ ແລະ ຫົວໜ້າຄະນະໂຄສະນາອົບຮົມເມືອງ.
ແລະ ບ້ານທີ່ຖືກເຊີນເຂົ້າຮ່ວມໃນຄັ້ງນີ້ ປະກອບມີທັງໝົດ 6 ບ້ານ ຂອງເທດສະບານເມືອງ ມີບັນດານາຍບ້ານ, ຮອງນາຍບ້ານ, ປະທານແມ່ຍິງ, ປະທານແນວ, ເລຂາຊາວໝຸ່ມ ຂອງແຕ່ລະບ້ານ ເຂົ້າຮ່ວມຢ່າງພ້ອມພຽງ ໂດຍມີຜູ້ເຂົ້າຮ່ວມທັງໝົດ 42 ທ່ານ, ຍິງ 10 ທ່ານ ແລະ ໃນຕອນທ້າຍຄະນະປະຈໍາພັກເມືອງ ລ້ອງຊານ ກໍໄດ້ຂຶ້ນມອບໃບຢັ້ງຢືນໃຫ້ທຸກທ່ານແຕ່ລະບ້ານ ເພື່ອເປັນການຢັ້ງຢືນໃຫ້ບັນດາທ່ານ ທີ່ໄດ້ຜ່ານການຝຶກອົບຮົມໃນຄັ້ງນີ້ອີກດ້ວຍ.
