ຄະນະໂຄສະນາອົບຮົມແຂວງ ຈັດກອງປະຊຸມເຜີຍແຜ່ເຊື່ອມຊຶມເອກະສານທີ່ສໍາຄັນ ໃຫ້ພະນັກງານຫຼັກແຫຼງຂອງຕົນ ໃນຕອນເຊົ້າຂອງວັນທີ 26 ເມສາ 2024 ທີ່ຜ່ານມານີ້ ທີ່ຫ້ອງປະຊຸມຄະນະໂຄສະນາອົບຮົມແຂວງ ໂດຍການເປັນປະທານຂອງ ສະຫາຍ ນາງ ຄໍາສີ ສິດທິວໍລະດາ ກໍາມະການພັກແຂວງ ຫົວໜ້າຄະນະໂຄສະນາອົບຮົມແຂວງ ພ້ອມດ້ວຍຄະນະພັກ ຕະຫຼອດຮອດຫົວໜ້າ-ຮອງຫົວໜ້າຂະແໜງ, ສະມາຊິກພັກ-ພະນັກງານຂອງຕົນ ເຂົ້າຮ່ວມທັງໝົດ 11 ສະຫາຍ, ຍິງ 3 ສະຫາຍ ໃນການເຜີຍແຜ່ເຊື່ອມຊຶມເອກະສານທີ່ສໍາຄັນປະກອບດ້ວຍ 3 ເອກະສານຄື:
- ເອກະສານຂອງຄະນະເລຂາທິການສູນກາງພັກ ຄໍາສັ່ງ ວ່າດ້ວຍການກະກຽມ ແລະ ດໍາເນີນກອງປະຊຸມໃຫຍ່ 3 ຂັ້ນ ຂອງພັກ.
- ຄໍາແນະນໍາ ການຈັດຕັ້ງປະຕິບັດຄໍາສັ່ງຂອງຄະນະເລຂາທິການສູນກາງພັກວ່າດ້ວຍການກະກຽມ ແລະ ດໍາເນີນກອງປະຊຸມໃຫຍ່ 3 ຂັ້ນ ຂອງພັກ.
- ເອກະສານ 20 ຄໍາຖາມ-ຄໍາຕອບ ກ່ຽວກັບການກະກຽມ ແລະ ດໍາເນີນກອງປະຊຸມໃຫຍ່ 3 ຂັ້ນ ຂອງພັກ.
